უბედური შემთხვევა მსხვერპლით დასრულდა დედოფლისწყაროში. როგორც დედოფლისწყაროს ტელევიზია იტყობინება, გარდაცვლილია სარეაბილიტაციო სამუშაოებზე დასაქმებული 61 წლის მამაკაცი, რომელიც ერთერთ ობიექტზე ელექტროშემდუღებლად მუშაობდა.

თვითმხილველების მტკიცებით, დედოფლისწყაროს სოფელ ხორნაბუჯში მცხოვრებ ვალერ ადამიანს ბეტონის ფილა დაეცა, რის შედეგადაც ადგილზე დაიღუპა. არსებობს ვერსია, რომ ფილა ამწედან ჩამოვარდა. მამაკაცი სასწრაფო დახმარების სამსახურის ეკიპაჟის მოსვლამდე გარდაიცვალა.

მომხდართან დაკავშირებით გამოძიებას აწარმოებს შს დედოფლისწყაროს პოლიციის რაიონული სამმართველო.