ანჯელინა ჯოლი ჰოლივუდის ერთ-ერთ ყველაზე გამორჩეულ და კაშკაშა ვარსკვლავად ითვლება, რომელიც დღემდე მსოფლიოს ყველაზე ლამაზი ქალების ტოპ -ათეულების ლიდერია. რამდენიმე წლის წინ, თითქმის ყველა ქალი ოცნებობდა, რომ მისი მსგავსი ტუჩებისა და ცხვირის ფორმა ჰქონოდა, ხოლო პლასტიკური ქირურგები მათი არჩევანით მხოლოდ ბედნიერები იყვნენ. თითქოს "ანჯელინომანია" მოდიდან უკვე დიდი ხსნის წინ გადავიდა, თუმცა, ის მილიონობით თაყვანისმცემლისთვის კვლავ აღფრთოვანების ობიექტად რჩება. როცა ანჯელინა ჯოლის გარეგნობაზეა საუბარი, ალბათ დამეთანხმებით, რომ საქმე კონკრეტულად არც მის თხელ, ნაზ ცხვირსა და მით უმეტეს არც სავსე ტუჩებშია, არამედ არის მასში რაღაც განსაკუთრებული, რომელიც ერთი შეხედვით გატყვევებს და ამ მდგმარეობაში კიდევ დიდი ხნის განმავლობაში გტოვებს. თანდაყოლილი ქარიზმა და ბუნებრივი ხიბლი, არის, სწორედ ის, რაც ამ ულამაზესი ქალბატონისგან თვალის მოწყვეტის უფლებას უბრალოდ არ გაძლევს.