საზოგადოება „ჩემი რიგიც მოვიდა“ - ნოდარ მელაძე პროკურატურაში გამოკითხვაზე დაიბარეს 2019, 4 ოქტომბერი, 20:43 ![]() „მთავარი არხის“ საინფორმაციო სამსახურის უფროსი, ნოდარ მელაძე პროკურატურაში გამოკითხვაზე დაიბარეს. მელაძე საგამოძიებო უწყებაში ხვალ, დილის 11 საათზე უნდა გამოცხადდეს. პროკურატურის განცხადებით, საქმე ეხება „რუსთავი 2“-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე მიმდინარე გამოძიებას. სწორედ ამ გამოძიების ფარგლებში უნდა მოხდეს მელაძის გამოკითხვა. საგამოძიებო უწყებაში დაბარების ფაქტს სოციალურ ქსელში გამოეხმაურა თავად ნოდარ მელაძე: „ჩემი რიგიც მოვიდა! ხვალ 11 საათზე, გამოკითხვაზე ვარ დაბარებული მთავარ პროკურატურაში. დანარჩენი გამოკითხვის შემდეგ“ - წერს იგი პირად ფეისბუკ გვერდზე. 47 შეფასება არ არის
|