სპეცეფექტები, საშინელებათა ჟანრის ფილმებისთვის საჩუქარი რომ ყოფილიყო, მაშინ ესპანელი მსახიობი ხავიერ ბოტეტი შეუფასებელი იქნებოდა. იშვიათი გენეტიკური დაავადების მქონე მსახიობი, საშინელი მონსტრების გასაცოცხლებლად კომპიუტერულ დამუშავებას არა, თუმცა, გრიმს ნამდვილად საჭიროებს.

ბოტეტის ექვსი წლის ასაკში მარფანის სინდრომის (მარფანის სინდრომი - წარმოადგენს გენეტიკურ დაავადებას, რომლის მიზეზიც მე–15 ქრომოსომაზე არსებული ფიბრილინის გენის მუტაციაა. მარფანის სინდრომის დროს ზიანდება გული, თვალები, ჩონჩხი. ამ სინდრომით დაავადებული ადამიანები ძალიან მაღლები და გამხდრები არიან, როგორც წესი, მათ ჰიპერმობილური სახსრები აქვთ) დიაგნოზი დაუსვეს, რის გამოც ის 198 სმ-მდე გაიზარდა, თუმცა მისი წონა მხოლოდ - 54 კგ-ს შეადგენს.

დამწყები მსახიობისთვისა და სამეცნიერო-ფანტასტიკის ჟანრის მოყვარულისთვის აღნიშნული დიაგნოზი საჩუქარი აღმოჩნდა. ხავიერ ბოტეტის სახელი უკვე დიდი ხანია ისეთ ცნობილ, ჰოლივუდის საშინელებათა ჟანრის ფილმებთან ასოცირდება, როგორებიცაა - "სლენდერმენი", "უცხო: აღთქმა", "რეპორტაჟი 2", "ის", "დააკაკუნო ორჯერ", "ანაბელი 2" და სხვა.