"ნაციონალური მოძრაობის" ერთგული მხარდამჭერი და ყოფილი პარლამენტარი მეგი გოცირიძე სოციალური ქსელის საშუალებით შემდეგი სახის განაცხადს აკეთებს, რომელსაც უცვლელად გთავაზობთ:

"ორჯერ დავწერე სტატუსი ბოკერიაზე და ორივეჯერ წავშალე, მერე შევეცადე განმემარტა რატომ დავწერე და რატომ წავშალე, ახლა ის განმარტებაც წავშალე და უბრალოდ იმას ვიტყვი, რომ მიშა მეტის ღირსია, რადგან პასუხისმგებლობები არ ჰქონდა გადანაწილებული, ყველას შეცდომას, გადაცდომასა თუ დანაშაულს საკუთარ თავზე იღებდა, ის ხალხი კი, ვის გამოც ტალახს ესვრიან დღემდე და ესროდნენ ადრეც, 9 წელი ყოველდღიურად პატარ-პატარა ნაღმებს უდებდნენ, მხოლოდ მიშა იდგა იმ დანაღმულ ველზე, მარტო იყო ველურების პირისპირ, ველურების უკან კი ის ადამიანები იდგნენ, რომელთა გამოც მიშას აფეთქება გარდაუვალი იყო, ოღონდ მიშა ამას ვერ იჯერებდა, რადგან საკუთარი მორალური კრიტერიუმებით აფასებდა ყველას და ყველაფერს, რასაც სრული პასუხისმგებლობით ვამბობ, რადგან ბოკერიაზე და არა მარტო მასზე, პირადად მაქვს ბევრჯერ ნათქვამი და მათ შორის არა მხოლოდ პირისპირ, არამედ ფრაქციის არაერთ სხდომაზე, სადაც ის გარეწრებიც ესწრებოდნენ ...
ეეჰ მიშა, ვისაც ჩავაცვი, იმან გამხადაო, მგონი შენთვის არის ეს ფრაზა მოფიქრებული ...." - წერს მეგი გოცირიძე