ცნობილი მეცო სოპრანო ანიტა რაჭველიშვილი საქართველოს პრეზიდენტის სალომე ზურაბიშვილის მიერ მსჯავრდებულთა შეწყალების აქტს ეხმაურება და ამასთან დაკავშირებით სოციალურ ქსელში პოსტს აქვეყნებს, ოპერის მომღერალი დარწმუნებულია რომ ზურაბიშვილი მძიმე დანაშაულისთვის მსჯავრდებულებს გარკვეული თანხის სანაცვლოდ იწყალებს: "ნეტა რამდენია "სტავკა" მკვლელების შეწყალებაზე? კარგად გაივსო ჯიბეები ამ სამარცხვინო ქალმა!"- დაწერა რაჭველიშვილმა საკუთარ ფეისბუქგვერდზე. პრეზიდენტის ადმინისტრაციის ინფორმაციით, სალომე ზურაბიშვილმა, მარიამობის დღესასწაულთან დაკავშირებით, სულ 35 მსჯავრდებული შეიწყალა, საიდანაც 1 არასრულწლოვანი და 8 ქალია. შეგახსენებთ, რომ შეწყალებული პატიმრებიდან 3 პირი მკვლელობის ბრალდებით გასამართლებული - რამაზ დევაძე, ასლან ბეჟანიძე და ზურაბ ნადირაძეა.