ცნობილი ბრიტანელი სუპერმოდელი ქეით მოსი ოდესღაც მსოფლიოში ერთ - ერთ ყველაზე მოთხოვნად და მაღალანაზღაურებად მოდელად ითვლებოდა. მოდის სამყაროში მეტისმეტი სიგამხდრე პირველმა სწორედ მან შემოიტანა. თუმცა, ფაქტია წლებს თავისი მიაქვს და ერთ დროს, ძალიან გამხდარი გოგონასგან პრაქტიკულად აღარაფერი დარჩა.

ცოტა ხნის წინ, პაპარაცებმა ის საკუთარ ქალიშვილთან და შეყვარებულთან ერთად, იტალიაში დასვენების დროს დააფიქსირეს. უნდა აღინიშნოს რომ, ლეგენდად ქცეული მოდელი არც თუ ისე იდეალურად გამოიყურებოდა, როგორც ერთ დროს, მოელვარე ფოტოკამერებით გარშემორტყმული. სუპერმოდელის მილიონობით თაყვანისმცემელს მისი სხეულის პრობლემური ზონები შეუმჩნეველი არ დარჩენიათ. თუმცა, როგორც ჩანს, პოდიუმის ნამდვილი დედოფალი სხვა ცნობილი ქალბატონების მსგავსად მაკორექტირებელი საცვალის აქტიური მომხმარებელია, ვინაიდან ტაბლოიდური ჟურნალების გარეკანზე მოდელი ყოველთვის საუცხოოდ გამოიყურება.