გულში ღრმადჩარჩენილ სითბოს გამოულევს
ძლივსღა გადარჩენილ სულში მიათოვებს
თაფლში განაჩენი ნაღველს გამოურევს
სულის დანარჩენიც სხეულს მიატოვებს.


გულზე ფიცარი და სულზეც ფიცარივით
თავად ვინც არის და გრძნობა ხელოვანი
თითქოს მიცანი და თითქოს მიცანივით
ფიქრით მღვიდზარით და დუმილენოვანით


ცოდვის კარებიდან ოდნავ გამოსული
გრძნობის ზარებიდან ერთი მგრძნობიარე
გულის ღარებიდან ვარდი ამოსული
თითქოს დაგნებდი და სიკვდილს მოგიარე.