გურჯაანის მუნიციპალიტეტის სოფელ ძირკოკიდან დაკარგულ 34 წლის მამაკაცს სამართალდამცველებმა 10-დღიანი ძებნის შემდეგ სიღნაღის მუნიციპალიტეტში მდებარე ერთ-ერთ ფერმაში მიაკვლიეს. ინფორმაციას შინაგან საქმეთა სამინისტროს პრესსამსახურში ადასტურებენ.

თვითმხილველების და ოჯახის ახლობლების განმარტებით, ახალგაზრდა თავს კარგად გრძნობს.

ძირკოკის მკვიდრის ვანო მახარაშვილის სამძებრო სამუშაოები უკვე ორი კვირაა მიმდინარეობდა. ძებნის ოპერაციის ფარგლებში, 21 და 22 აგვისტოს მდინარე ალაზნის სარწყავ არხში წყალიც დაწყვიტეს, თუმცა ცხედარი და სხვა რაიმე ფაქტი ვერ იპოვეს. სამძებრო სამუშაოებში ჩართული იყვნენ მყვინთავებიც.


გამოძიება შს კახეთის პოლიციის სამმართველოში სსკ-ის 115-ე, თვითმკვლელობამდე მიყვანის მუხლით მიმდინარეობდა.