მათ, ვისაც გველების, ობობებისა და სხვა მსგავსი ცოცხალი არსებების მხოლოდ ხსენებაც კი, წარმოუდგენელ პანიკაში აგდებს, ავსტრალიიდან საკმაოდ შორს უნდა იცხოვრონ. და ეს საოცარი ამბავიც ამის ნათელი დასტურია.

ძმები სააბაზანოში ძილის წინ კბილებს იხეხავდნენ, როცა საოცარი სურათის მომსწრე გახდნენ... ზუსტად მათ თავზე უზარმაზარი გველი ეკიდა, რომელიც სავარაუდოდ ჭერის სანათურიდან გამოძვრა.

შეშინებული ბავშვების მშობლებმა სასწრაფოდ ქვეწარმავლების დამჭერი გამოიძახეს, რომელმაც დანიშნულების ადგილზე მისვლისთანავე პანიკაში ჩავარდნილი ოჯახის წევრები დააწყნარა და განუმარტა, რომ პითონის ეს სახეობა ადამიანებისთვის საფრთხეს არ წარმოადგენდა. გველის დამჭერის აზრით, სავარაუდოდ, ქვეწარმავალი სანათურთან ახლოს სითბოში იწვა და ის შიგნით შემთხვევით ჩავარდა.

როგორც ცნობილია, ავსტრალიის ყოველ მესამე სახლში გველები ბინადრობენ, რომლებიც ძირითადად სხვენზე ან სახურავზე ცხოვრობენ, თუმცა, სახლში მასპინძლებს საკმაოდ იშვიათად სტუმრობენ.