მთავარი რაკურსია – ფოტოები რედაქტირების გარეშე

ფოტოგრაფია

მთავარი რაკურსია – ფოტოები რედაქტირების გარეშე

2019, 29 ივლისი, 10:21

ყველა ფოტოგრაფის ოცნებაა ისეთი სურათი გადაიღოს, რომელიც მნახველისთვის საინტერესო იქნება. ფოტოს ხარისხზე კი ბევრი ფაქტორი მოქმედებს: შინაარსი, საინფორმაციო ასპექტები და მიმართულებები, იდეა, კომპოზიცია… კიდევ ბევრი რამის აღნიშვნა შეიძლება, მაგრამ ამჯერად, ყურადღებას მხოლოდ რაკურსზე შევაჩერებთ.

პირველ რიგში, განვსაზღვროთ, თუ რა არის რაკურსი?

რაკურსი – არის ფოტოგრაფის თვალსაზრისი, გადასაღები ობიექტის სივრცეში მდებარეობასთან დაკავშირებით. რაკურსი ასევე არის, გადაღებული ობიექტის თითოეული წერტილის პროექცია – უფრო მარტივად, ეს არის ციფრული აპარატის მატრიცაზე (ფირზე) დაფიქსირებული გამოსახულება, რომელსაც ჩვენ მონიტორიანი ტექნიკური საშუალებით ვიღებთ. თუმცა, თანამედროვე ფოტოგრაფიაში, რაკურში, ჩვეულებრივ, გადასაღები ობიექტისადმი, ფოტოს გადაღების წერტილი და მიმართულება იგულისხმება.

დღეს ბევრი ფოტოგრაფი, ფოტოშოპის მეშვეობით ცდილობს თავისი ნამუშევრების სხვადასხავ ეფექტებით გაძლიერებას. თუ ამ ხერხით ფოტო უფრო ლამაზი გახდება, რატომაც არა (აქ საუბარია ფოტოეფექტებზე და არა ფოტომონტაშზე)... მაგრამ, თუ ეს მართლაც კარგი და ორიგინალური ფოტოა, არაფრის დამატება საჭირო არ არის. მთავარი ფოტოგრაფიაში, ხომ იდეა და სწორი რაკურსია?!

დიახ რაკურსი, რომლის შეცვლა და რედაქტირება გადაღებულ ფოტოზე უკვე შეუძლებელია და თუ სიუჟეტი კარგად არის დადგმული, ფოტო, Photoshop-ის გარეშეც, შეიძლება შეუდარებლ იყოს. როგორც ფოტოხელოვანები ამბობენ, – ნამდვილად ნიჭიერ ხელოვანს, არაფერი უნდა აკავშირებდეს ფოტორედაქტორებთან.

ქვემოთ მოცემული ფოტოები, სწორედ შერჩეულ მომენტში და კარგად შერჩეული რაკურსით არის გადაღებული. ზოგიერთი კი, წინასწარ არის დადგმული და გარკვეული ხრიკებიც არის გამოყენებული. მაგრამ, ეს ყველაფერი, ფოტოს გადაღებამდეა გაკეთებული.

«გოგონა საჰაერო ბუშტებით» (ფოტო დადგმულია: გოგონა ასფალტზე წევს, ხოლო ბუშტები დამაგრებულია)