2019 წლის 20 ივნისი სამარცხვინო ლაქად ჩაიწერება საქართველოს ისტორიაში.პირველი, იმიტომ, რომ რუსეთის დუმის დეპუტატს საქართველოს პარლამენტში თავმჯდომარის სკამი დაუთმეს სხდომის წასაყვანად; და მეორე, საპროტესტო აქციის დაშლის მეთოდი ძალიან ჰგავდა 2007წლის 7 ნოემბრის მოვლენებს, რომელსაც გამუდმებით იხსენებენ ამჟამინდელი მთავრობის წარმომადგენლები და წინა ხელისუფლების კრიტიკის ერთ-ერთი ძირითადი მიზეზიც ხშირად გამხდარა.

ისმის კითხვა: რა განსხვავებაა 2007 წლის 7 ნოემბრისა და 2019 წლის 20-21 ივნისის მოვლენებს შორის?!

ორივე შემთხვევაში გამოყენებულ იქნა ცრემლსადენი გაზი და “რეზინის ტყვიები". 2007 წელს ამჟამინდელი მთავრობის წევრი, სოზარ სუბარი, რომელიც მ ა შინ სახალხო დამცველი გახლდათ, აცხადებდა, რომ ხელისუფლებამ არაკანონიერად გამოიყენა “რეზინის ტყვიები", რადგან კანონით ასეთი რამ გათვალისწინებული არაა.

და, რა მოხდა 2014 წელს?! კანონში, რომელიც მსგავს შემთხვევებში სამართალდამცველების მხრიდან სპეც-საშუალებების გამოყენებას ითვალისწინებს, 2014 წლამდე ეწერა, რომ დასაშვები იყო რეზინის ხელკეტის, ცრემლსადენი გაზის, ხელბორკილების, აკუსტიკური საშუალებების გამოყენება.2014 წელს იგივე სოზარ სუბარის ინიციატივით შევიდა ცვლილება.და დაემატა წიწაკის გაზი, რომელიც სავარაუდოდ, 2019წლის 20-21ივნისს იქნა გამოყენებული, და “რეზინის ტყვიები", რომლითაც არაერთი ადამიანი მძიმედ დაშავდა 20-21ივნისს .

დიახ, სხვაობა მხოლოდ კანონიერებაშია.2019წელს იგივე იარაღი, იგივე მეთოდები კანონიერია, რაც 2007წელს უკანონო იყო.