ჰოლანდიური ავიაკომპანია KLM მუშაობს სრულიად ახალი დიზაინის თვითმფრინავზე, რომელმაც შესაძლოა მთლიანად შეცვალოს ავიატრანსპორტის ფორმა და კომპონენტები.
ახალ ლაინერს Flying-V -ს ფრთების სიგანე ისეთივე აქვს, როგორც ჩვეულებრივ თანამედროვე თვითმფრინავებს, თუმცა ბორტზე 314 მგზავრს დაიტევს.
საჰაერო ხომალდს დაარქვეს Gibson Flying-V-ლეგენდარული გიტარის სახელი, რომელიც 1958 წლიდან გამოდის, მასზე უკრავდნენ ისეთი ლეგენდარული გიტარისტები, როგორებიცაა ალბერტ კინგი, ჯიმი ჰენდრიქსი, კიტ რიჩარდსი, მაიკლ შენკერი "სკორპიონიდან" და სხვები.
V ფორმის თვითმფრინავი შეიმუშავეს დელფტის ტექნიკური უნივერსიტეტის ინჟინრებმა.
ხომალდს ტურბოძრავები უკანა ნაწილში ექნება.ინჟინრები ამტკიცებენ, რომ მსგავსი უნიკალური კონფიგურაცია საწვავის 20%-იან ეკონომიას მოგვცემს. რაც შეეხება მგზავრებს, ისინი განლაგდენიან ხომალდის ფრთებზე, აქვე იქნება საბარგო განყოფილება, საწვავის ავზი და სხვა ინფრასტრუქტურა.
ახალი ავიალაინერი კონკურენციას გაუწევს Airbus A350 და Boeing 787-ს, ამასთანავე თვითმფრინავს თავისუფლად შეუძლია გამოიყენოს არსებული ანგარები თუ ასაფრენი ბილიკი, რადგან ფრთების სიგანე 65 მეტრია, ხოლო სიგრძე 55 მეტრი.
