მადლობას გიხდით ინტერესის გამოხატვისთვის, რაც შეეხება დასმულ შეკითხვას, გიპასუხებთ, რომ 2011 წლამდე მე გახლდით საჯარო მოსამსახურე, ხოლო 2012 წლიდან დავიწყე საზოგადოებრივი აქტივობები, მას შემდეგ, რაც ვნახე ახალი ხელისუფლების გაუაზრებელი და საფრთხის მომტანი გადაწყვეტილებები, მათ შორის საკადრო პოლიტიკა, განსკაუთრებით კი რუსული საფრთხეები და რუსული სახაზინო საწარმოებისთვის სასათბურე პირობების ფორმირების ტენდენცია. მახსოვს ექვთიმე თაყაიშვილის შემონახული საგანძურის დამცველად, უფრო კონკრეტულად კი კულტურის მინისტრის მოადგილის თანამდებობაზე გადაწყვეტილი იყო ცნობილი ფოტოგრაფის, პრორუსი იური მეჩითოვის დანიშვნა. როცა საჯაროდ გავრცელდა ამ ადამიანის სკაბრეზული და ნეგატიური კომენტარები ჩვენს გურულებსა და მეგრელებზე, სამაგიეროდ გუგლის საძიებო სისტემებში დაარქივებული იყო მისი სენტიმენტები კრიმინალური სამყაროს მიმართ, მე ახალგაზრდა თანამოაზრეებთან ერთად დავიწყე საპროტესტო მოქმედებები და ეს უკანასკნელი ჩამოვაშორეთ სამინისტროს. მართალია დღემდე ვერ ინელებს ამას, მაგრამ ეს მისი პრობლემაა, სახელმწიფო სამსახურში უნდა იყოს სახელმწიფოს და ხალხის პატივისმცემელი კადრები. 2012 წლიდან 2014 წლამდე, მე ვხელმძღვანლობდი არასამთავრობო ორგანიზაციას, თუმცა მალევე გავაცნობიერეთ, რომ მეტი ბრძოლა იყო საჭირო, შევქმენით პოლიტიკური პარტია, რომლის თავმჯდომარედაც ამირჩია საზოგადოებამ და მას შემდეგ აქტიურ პოლიტიკაში ვარ.

რატომ მოხვედი პოლიტიკაში?

აქტიური პოლიტიკური საქმიანობა ჩემთვის იყო პასუხისმგებლობით სავსე, თუმცა იძულებით ნაკარნახევი არჩევანი, მე უარი ვთქვი პროფესიულ კარიერაზე მაშინ, როცა ვფიქრობდი ხარისხის დაცვაზე და მეცნიერულ მიღწევებზე, ბიზნესის კეთების შესაძლებლობაზე, საჯარო სექტორში საქმიანობაზე და მიზნად დავისახე ცვლილებებისთვის ბრძოლა. ჩემი მიზანია ქვეყანა რეფორმირდეს ღონიერ სახელმწიფოდ და ნაცვლად შრომითი მიგრაციისა, ჩვენი ხალხი სწრაფი ტემპით უბრუნდებოდეს სამშობლოს. ეს ყველაფერი კი რეალისტურია თუკი სახელმწიფოს ექნება სწორი პოლიტიკა და იარსებებს სტრატეგიული გეგმები.

რომელ პოლიტიკურ პარტიას უჭერ მხარს და რატომ ?

მხარს ვუჭერ ყველა ქართულ-დასავლურ პოლიტიკურ ძალას, ვგულშემატკივრობ თითოეულ გულწრფელ და პროფესიონალ ოპოზიციონერს, თუმცა ახალი პარტიის “კანონი და სამართლის’’ გუნდის წევრი ვარ და ცხადია ყველაზე მეტი მხარდაჭერა და სიმპატიები მაქვს ჩემი გუნდის მიმართ.

ცხადია მთავარი გამოწვევა არის ქვეყნის ტერიტორიის, კერძოდ აფხაზეთისა და ცხინვალის რეგიონის ოკუპაცია და იქ მიმდინარე ანექსიის პროცესი. ამის შემდეგ ქვეყნის უმნიშვნელოვანესი პრობლემაა კორუფციის მაღალი მასშტაბი, რუსული ზეგავლენის ქვეშ მყოფი პარტიის ხელისუფლებაში ყოფნა, მაღალი შრომითი მიგრაცია და რა თქმა უნდა ინსტიტუციების ნგრევა, მათ შორის ქართული მართლმსაჯულების სისტემის ღრმა კრიზიში ყოფნის ფაქტი და კლანური მმართველობა.

პოლიტიკურმა პარტიამ “კანონი და სამართალმა’’ მომხდარს ვუწოდეთ სამარცხვინო ძალადობრივი აქტი, რომელიც ორკესტრირებული და ლობირებულია დაჯგუფების - “ქართული ოცნების’’ მიერ და იგი გამოუსწორებელ ზიანს აყენებს ქვეყნის ინტერესებს. მიგვაჩნია, რომ თითოეული კანონდარღვევა უნდა იქნას უმკაცრესად დაგმობილი და ყველა მონაწილე პირი უნდა იქნას კანონის სახელით მკაცრად დასჯილი, რადგან არჩევნებისთვის ხელშეშლა ეს ხალხის ნების უგულველყოფა და ხალხის შეურაცხყოფაა, რისი უფლებაც არავის არ აქვს. სანდრა რულოვსი პრაქტიკულად უალტერნატივო კანდიდატია, რაც მთავარია იგი არ არის მხოლოდ ნაციონალური მოძრაობის კანდიდატი, იგი გაერთიანებული ოპოზიციის კანდიდატია, მათ შორის ჩვენიც და საერთო ძალისხმევით ვგეგმავთ თითოეული ზუგდიდელის მიერ გამოხატული კონსტიტუციური ნების დაცვას.

დღევანდელ ხელისუფლებას, მათ შორის ახლანდელ მთავრობას აქვს ერთადერთი პროექტი - ეს ბიძინა ივანიშვილის ინტერესების სამსახურია, სხვა პროექტი მათ რეალურად არ განუხორციელებია თუ არ ჩავთვლით მცირე პროექტებს, რომელმაც ვერ უზრუნველყო ჩვენი ხალხის კეთილდღეობა და ქვეყნის წარმატება. თუ თვლით, რომ არ ვარ ობიექტური, შეგიძლიათ თავად შემახსენოთ ამ ხელისუფლების მნიშვნელოვანი პროექტი და მზად ვარ გულწრფელად გესაუბროთ მასზე.

სიღარბის დაძლევისთვის უპირველსი ამოცანაა კორუფციის დაძლევა და ბრძოლა მასთან, როგორც იდეოლოგიასთან და უკომპრომისო ბრძოლა მასთან, როგორც კონკრეტულ დანაშაულთან შერჩევითი სამართლის გამორიცხვით. შეიუძლებელია მითუმეტეს გარდამავალი ეკონომიკის მქონე განვითარებად საქართველოში სიღარიბის დაძლევა, როცა ყველა დონეზე კორუფციაა გამეფებული და ის ფული, რომელიც უნდა ხმარდებოდეს საზოგადოებას, ქვეყნის ინფრასტრუქტურას ხმარდება კლანს დ ამათ ინტერესებს. სიღარიბის დასაძლევად უნდა გავუსტუმროთ ქართული ოცნება ოპოზიციაში, კორუმპირებული ჩინოვნიკები და აუცილებლად ციხეში კანონის და სამართლის სახელით.

ცხადია რთულია, თუკი პოლიტიკოსი არ თამაშობს და გულწრფელია, თუმცა პოლიტიკოსმა თუკი ზუსტად იცის მისი მისია და აქვს სტრატეგიული გეგმა, რაც არ უნდა სირთულესთან ჰქონდეს საქმე, მისთვის ეს საქმე აზარტულია და აკეთებს მას სიამოვნებით, მერწმუნეთ, არ არის ადვილი პოლიტიკოსობა, წარმოიდგინეთ რამდენი ადამიანის სამსახურში ხართ ამ საქმით და რამდენად მაღალია პასუხისმგებლობაც და მოლოდინებიც. მოლოდინებს გამართლება უნდა.

საზღვარგარეთ ქართველი ემიგრანტების რიცხვმა მოიმატა, რისი ბრალია, რატომ ტოვებენ საქართველოს ?

დიახ ასეა, წლების მანძილზე მე ვმუშაობდი დიასპორისა და ემიგრაციის საკითხებზე და შემიძლია ვთქვა, რომ საფუძვლიანად ვიცნობ ამ საკითხს, თუმცა ამაზე სასაუბროდ ბევრად მეტი დრო და სხვა ფორმატია საჭირო. ქვეყანას ტოვებს ადამიანები, რადგან იძულებული არიან თავის გადასარჩენად და ოჯახების შესანახად იპოვონ სამუშაო უცხო ქვეყანაში. სამწუხაროდ საქართველოში ნეპოტიზმია გამეფებული და ადამიანები, ვინც უნდა საქმდებოდეს კვალიფიკაციისა და უნარების მიხედვით, მათ ადგილს იკავებს ხელისუფლების წარმომადგენლები და მათი ნათესავები, ასევე პარტიული აქტივისტები. მხოლდო ეკონომიკური და სოციალური გარემო არ ქმნის ამ სტატისტიკას, ქვეყანაში სადაც კორუფცია დ ანეპოტიზმია, სადაც კრიმინალი უფრო და უფრო მატულობს, დაუცველია თითოეული მოქალაქე, ისინი ცდილობენ გადარჩნენ, დიახ გადარჩნენ რადგან საქართველოშიე რთადერთი დაცული ადგილი ოლიგარქ ივანიშვილის ფლორა და ფაუნაა, დანარჩენები კი ყველანი ბედის და ღვთის ანაბარად ვართ მიტოვებული.