***

ჟასმინის სურნელში აცეკვებული

მღეროდა ქარი და სარკმლის უკან

იმალებოდა ველური მარტი...

***

აპრილის თოვა-

გზად მიმავალი მიიჩქაროდა

ღერებით ხელში, ხიდზე დაცვივდა

ყველა ყვავილი- რაც ჰქონდა ხელში.

***

ზამთრის მისტიკა-

ლაკმუსის ღამეს უნათებდა კასიოპია,

ციდან ბარდნიდა ფანტელები- ღამის ფიქრია.

***

შემოდგომის ვერსი-

ნაწვიმარ სერზე შრიალებდა

ჭრელი კიმონო და ანათებდა

ჰორიზონტზე ძველი კოლოსი.

***

თიბათვის ეტიუდი-

კივილით გაჰქონდა მატარებელს

ელმავლის შუქი და ლოცულობდა

სხვა პოეტი სამძიმარს გულში.

***

ლედი ჰაიკუ-

დედოფლის წყაროს უმღეროდა

თეთრი მაისი და სიყვარულით

იღვრებოდა მეფის დაისი...

ჯორჯიანა

ფირენცე/იტალია

პ.ს. ფოტოკოლაჟი წიგნიდან