შიში ემოციური მდგომარეობაა, რომელიც ძლიერ ცვლილებებს იწვევს ინდივიდის განწყობა-მოტივაციაში, მოქმედებს მის ხასიათზე და განაპირობებს ქმედებების ცვლილებას. ხშირ შემთხვევაში ეს ქმედება უარყოფითი ხასიათისაა. შიში და ტერორიზმი, უნდა ვივარაუდოთ, რომ ძლიერ კორელაციაშია ერთმანეთთან, რადგან ტერორიზმი სიძულვილის, მრისხანების და რაც მთავარია, დესტრუქციის გამომხატველია, ხოლო შიში ამ პროცესის შედეგად გაჩენილი ფენომენია.

შიში, როგორც ემოცია ტერორისტების მთავარი ფსიქოლოგიური იარაღია. ტერორისტების მკაფიო მიზანია, რომ ადამიანი მუდმივად იყოს შეპყრობილი შიშით და ჰქონდეს ძალადობის მოლოდინი. ფსიქოლოგიური ტერორი იწვევს მშვიდობიანი მოსახლეობის “მწყობრიდან“ გამოყვანას და განაპირობებს მათ “მართვას“.

როგორ ვებრძოლოთ ტერორისტულ შიშს?

ბრძოლის მექანიზმებია:

1.კონტრტერორისტული სტარტეგიის შემუშავება;

2.უსაფრთხოების დაცვაზე ზრუნვა და მისი მუდმივი კონტროლი;

3.ტრენინგების ჩატარება ადამიანთა ჯგუფებში - მათი ცნობიერების ამაღლება ტერორისტული იდეოლოგიის შესახებ;

4.სოლიდარობის გამოხატვა სხვადასხვა საშუალებებით მათ მიმართ, ვინც ტერორიზმის შიშითაა შეპყრობილი.