თრიაქი, იგივე ოპიუმი — "ყაყაჩოს წვენი", ხაშხაშის, რომელიც ყაყაჩოს გვარის ერთ-ერთი წარმომადგენელია, მოუმწიფებელი ნაყოფის რძიანი წვნისაგან მოპოვებული ძლიერი ნარკოტიკული ნივთიერება; შეიცავს სხვადასხვა ალკალოიდებს (მორფინს და სხვ.). მედიცინაში იყენებენ ტკივილის გამაყუჩებელ საშუალებად. აზიის მთელ რიგ ქვეყნებში გავრცელებულია მისი წევა და ღეჭვა. მას მოიხმარდნენ საქართველოშიც.