კახეთი ფრაქცია „ნაციონალური მოძრაობის“ თავმჯდომარე გარდაიცვალა 2019, 18 აპრილი, 22:10
კახეთში ოპოზიციური პარტიის ადგილობრივი ხელმძღვანელი და ფრაქციის თავმჯდომარე დაიღუპა. გავრცელებული ცნობით, ყვარლის მუნიციპალიტეტის საკრებულოს დეპუტატი, ფრაქცია “ნაციონალური მოძრაობის” თავმჯდომარე გარდაიცვალა. მიზეზად გულის შეტევა სახელდება. ბესიკ იაშვილი თავდაპირველად გულის შეტევით თელავის ერთ-ერთ საავადმყოფოში მოათავსეს, თუმცა მალევე მისი გადაყვანა თბილისში, იაშვილის კლინიკაში გახდა საჭირო. მედიკოსებმა მისი გადარჩენა ვერ შეძლეს. იაშვილი მუნიციპალიტეტის საკრებულოს დეპუტატი 2017 წლის თვითმმართველობის არჩევნების შედეგად გახდა, რის შემდეგაც საკრებულოში ოპოზიციური ფრაქცია შექმნა. ის იმავდროულად ერთიანი ნაციონალური მოძრაობის ყვარლის რაიონული ორგანიზაციის თავმჯდომარის თანამდებობას იკავებდა. 705 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
