ასეთი სტიქია არავის ახსოვ კახეთში, სტიქიამ კახეთი დაახლოებით 5 მილიონი ლარით აზარალა. როგორც კახეთის საინფორმაციო ცენტრს კახეთის გუბერნატორის პირველმა მოადგილემ გიორგი სიბაშვილმა განუცხადა, ყველაზე მეტად გურჯაანის რაიონი დაზარალდა.

სტიქიით დაზარალებულთა დახმარებისთვის თანხების მოძიებით მთავრობამ თითქმის შეუძლებელი მოახერხა. ამის შესახებ პრეზიდენტმა მიხეილ სააკაშვილმა დღეს, სტიქიის შედეგების სალიკვიდაციო შტაბის სხდომაზე განაცხადა.მიხეილ საკაშვილის თქმით, უახლოეს ისტორიაში ამ მასშტაბის დახმარება მას არც ერთი სტიქიური უბედურების დროს არ ახსენდება. დღეს, სოფელ კოლაგში საქართველოს პარლამენტის თავმჯდომარეც იმყოფებოდა. მთავარი ის არის, რომ გადავრჩით, არ არის მსხვერპლი, დანარჩენს ყველაფერს შევეცდებით რომ აღვადგინოთ. უკვე დაწყებულია ინფრასტრუქტურის აღდგენა. 24 საათიან რეჟიმში მუშაობენ შესაბამისი სამსახურები, საგზაო დეპარტამენტიც, სამაშველო სამსახურიც, წყალმომარაგების სამსახურიც. შექმნილია სამსახური,
რომელიც სწავლობს მიყენებულ ზარალს და ამის შემდეგ გვექნება მთლიანი სურათი თუ რა ზარალი მიადგა მოსახლეობას. მოსახლეობამ უნდა იცოდეს, რომ ჩვენ ყველას დავეხმარებით, აღნიშნა პარლამენტის თავჯდომარემ ბაქრაძემ. რაც შეეხება პრეზიდენტ მან კიდევ გააკეთა ამის შემდეგ განცხადება: ჩვენ გავაგრძელებთ მონიტორინგს, მთავრობის დიდი ნაწილი გააგრძელებს აქ
მუშაობას. მთავარია ყველაფერი იმ ვადებში მოგვარდეს, როგორც ხალხს დავპირდით - ამ ფორსმაჟორულ გარემოებებში ყველა დაპირება უნდა შესრულდე, -მიმართა შტაბს ქვეყნის პირველმა პირმა.