მსოფლიოში უდიდესი თვითმფრინავის პირველი გაფრენა მოჰავეს უდაბნოდან განხორციელდა, რომელიც ერთბაშად კალიფორნიის, ნევადის, იუტის და არიზონის ტერიტორიებს მოიცავს.

ორფუზელაჟიანი თვითმფრინავი-მატარებელი Stratolaunch Model 351 პირველად აიჭრა ცაში. თვითმფრინავის აფრენის ვიდეოკადრები გაავრცელა აეროკოსმოსის ფოტოგრაფმა, ჯეკ ბეიერმა.

ამერიკული თვითმფრინავი-მატარებელი Stratolaunch Model 351 დღეისთვის ყველაზე დიდი საჰაერო ხომალდია მსოფლიოში, ორფუზელაჟიანი მონოპლანის ფრთების სიგრძე 117, 3 მეტრია, რომლის პილონებზეც დაყენებულია 6 ცალი Boeing 747 ძრავა, თვითმფრინავის სიგრძე 73 მეტრია, მაქსიმალური ტვირთამწეობა 590 ტონა, 8 შასით (6 ძირითადი და 2 ცხვირის მხარეს)და 28 ბორბლით.სტრუქტურულად, Stratolaunch მოგვაგონებს ამერიკული პროექტ Conroy Virtus-ს, რომელიც 1970-იან წლებში "შატლის" ტრანსპორტირებისთვის იყო გათვალისწინებული.