სოციალურ ქსელში რაღას არ ნახავთ: დაწყებული სელფებით და ფოტომონტაშით დამთავრებული. არიან ისეთი ადამიანებიც, საკუთარ კულინარიულ ქმნილებებს სურათს რომ უღებენ და ფოტოებს მეგობრებს უზიარებენ. მათ შორის არიან – Food-მხატვრები, ამ საქმის ნამდვილი პროფესიონალები, რომლებიც განსაკუთრებით შთამბეჭდავ ფოტოსურათებს ათავსებენ სოც. ქსელის საკუთარ გვერდებზე. ისინი უნიკალური და საინტერესო Food-არტის შექმნისას, სრულად იყენებენ საკუთარ ოსტატობას და წარმოუდგენელ ფანტაზიას.

საკვების დიზაინერები სხვადასხვა სახის პროდუქტებს იყენებენ უგემრიელესი კერძების მოსამზადებლად, ხოლო დესერტის გასაფორმებლად, ხილი, ნაყინი, კაკაო, ჩირი, თხილეული, რძე და რძუს პროდუქტები გამოიყენება.
ყველაფერი, რასაც აქ წარმოდგენილ ფოტონაკრებში ნახავთ, 17 წლის ნიჭიერი ფუდ-მხატვრის, ხოსეს მიერ არის მომზადებული, რომელიც უფრო მეტად, Naturally.Jo სახელით არის ცნობილი. მას ყველაფრის გაკეთეთება შეუძლია — დონატებიდან (ფუნჩულები) და ნამცხვრებიდან დაწყებული – ნაყინით და სმუზით დამთავრებული. და ყველა მისი შედევრი, მხოლოდ ვიზუალურად კი არ არის მიმზიდველი, წარმოუდგენლად გემრიელიცაა.