სამხრეთ აფრიკის ეროვნულ პარკში, ბრაკონიერი სპილომ მოკლა, ხოლო შემდეგ ლომებმა შეჭამეს.

ეჭვმიტანილი მამაკაცი მარტორქაზე ნადირობდა, როდესაც სპილომ გადაუარა. მითითებულია სამხრეთ აფრიკის ეროვნული პარკის გაცხადებაში.

დონ ინგლიში პარკის რეგიონალური რეინჯერი, ხელმძღვანელობდა საძიებო ჯგუფს, რომლებიც ათვალიერებდნენ საჰაერო გზებიდან პარკის მიმდებარე ტერიტორიას. მოგვიანებით აღმოაჩინეს ადამიანის ნაშთები.

"აღმოჩენილი მასალებიდან ვარაუდობდნენ, რომ მსხვერპლი ლომების ლუკმა გახდა, რის შედეგადაც მხოლოდ ადამიანის ქალა და შარვალი იყო დარჩენილი", - განაცხადა ეროვნული პარკის პრესმდივანმა.

გლენ ფილიპსმა, პარკის მმართველმა დირექტორმა განაცხადა: "კრუგერის ეროვნული პარკში უკანონოდ შესვლა და ფეხით სიარული არ არის ბრძნული საქციელი. ის შეიცავს საფრთხეს და ეს ინციდენტი მტკიცებულებაა ამის. ძალიან სამწუხაროა, ჩვენ დავუკავშირდით გარდაცვლილის ქალიშვილებს, მომხდარის შესახებ ვაცნობეთ და მწუხარება გამოვთქვით".

"ოთხი დაკავებული თანამზრახველი ბრაკონიერი პატიმრობაში იმყოფება და სასამართლოს ელოდება ", - განაცხადა პარკის სპიკერმა