თუ ამას გააკეთებთ, თქვენი ქმარი სხვა ქალს არასოდეს შეხედავს

ქალი და მამაკაცი

2019, 15 მარტი, 9:47

თუ ურთიერთობით უკმაყოფილო ხართ და ეჭვის თვალით უყურებთ მეუღლეს, მაშინ ჩვენი რჩევები გაითვალისწინეთ, რათა მომავალში უფრო მყარი ურთიერთობა ჩამოაყალიბოთ:

დაუთმეთ დრო

სკოლა, სამსახური და სახლის საქმეები... ქალს ნამდვილად უფრო მეტი საქმე აქვს ვიდრე მამაკაცს, მაგრამ მეუღლისთვის დროის გამონახვა აუცილებლად უნდა შეძლოთ. თუნდაც დღის შუალედში გაუგზავნეთ მოკლე ტექსტური შეტყობინება თბილი სიტყვებით, ან კიდევ სახლში დაბრუნებულს ჩაეხუტეთ.

დაუტოვეთ პირადი სივრცე

რა თქმა უნდა, მამაკაცს გზა არ უნდა გაუხსნათ ბოლომდე, თუმცა გადაჭარბებული ეჭვიანობაც საზიანოა, ის გაცივდება თქვენ მიმართ. მიეცით ცოტა უფრო მეტის უფლება და იყავით თავდაჯერებულები.

დააფასეთ

მამაკაცი, რომელიც დაუზოგავად შრომობს და სახლისთვის საკვები პროდუქტები შეაქვს, ის აუცილებლად უნდა დააფასოთ. ზოგჯერ უნდა უთხრათ, თუ რაოდენ რთულია მისი სამსახური და ის ყოველთვის დასაფასებელი მეუღლეა. არ ინანებთ!

დაინტერესდით მისი ჰობით

დაინტერესდით თქვენი მეუღლის ჰობით. გაიგეთ, რა მოსწონს მას განსაკუთრებით და ჩაეზიარეთ, დაეხმარეთ მას საყვარელი საქმის კეთებაში. მამაკაცი ისედაც არ მოგთხოვთ საკუთარი ჰობის შეყვარებას, ის უბრალოდ მიხვდება, რომ ამ საქციელით სიყვარულს გამოხატავთ მისდამი.

გაერთეთ მასთან ერთად

ენდეთ მას და გაერთეთ მასთან ერთად. იყავით გულახდილები, დაგეგმეთ ახალი თავგდასავლები, ამით თქვენი ურთიერთობა უფრო გამყარდება. წარსულის ტკივილები ახლანდელში არ აურიოთ, ის უკვე წარსულია და უნდა შეეჩვიოთ ნდობით ცხოვრებას.

ნუ აიძულებთ

ნუ აიძულებთ, რომ ძალით მიიპყროთ მისი ყურადღება. მოერიდეთ უაზრო კითხვებს თქვენს ურთიერთობასთან დაკავშირებით, იყავით უფრო მეტად პოზიტიურები.

დაინტერესდით სპორტით

არ ვამბობ, რომ შეიყვაროთ ფეხბურთი, კალათბურთი ან სხვა სპორტის სახეობა. უბრალოდ, როდესაც მამაკაცი ამ სპორტით ინტერესდება, ცხვირს სულ ნუ ჩამოუშვებთ. ზოგჯერ მიართვით ლუდი და ერთად უყურეთ ფეხბურთს.

დაახვედრეთ საკვები

"კაცის გულისკენ მიმავალი გზა კუჭიდან გადისო" -ასე იტყვიან და ზოგჯერ მართალიც არის. მამაკაცი მშიერი არ უნდა დატოვო, განსაკუთრებით მაშინ, როდესაც ის დაღლილია.

პატივი ეცით მის მეგობრებს

სამსახურში შესაძლოა სხვა ქალების გარემოში იმყოფებოდეს, მაგრამ არაა აუცილებელი ზედმეტად ეჭვიანობა, პირიქით, მას ნდობა გამოუცხადეთ და იმეგობრეთ მის მეგობრებთან. მის თვალში უკეთესი გახდებით.

კარგად მოუარეთ თავს

დაქორწინება არ ნიშნავს იმას, რომ თქვენ ნაკლებად დადგეთ სარკის წინ და გაიპრანჭოთ. პირიქით, თქვენი მეუღლის თვალში ეცადეთ, რომ ყოველთვის განსაკუთრებულად გამოიყურებოდეთ. არ დაგავიწყდეთ - მამაკაცებს გადაჭარბებული მაკიაჟი არ მოსწონთ.