მოსკოვში მეზობლებმა 5 წლის გოგონა-მაუგლი გადაარჩინეს, რომელსაც კისერზე სამკაულის თოკი ჰქონდა ჩაზრდილი

სისხლის სამართალი

2019, 12 მარტი, 13:20

ხუთი წლის გოგონა ღამე სრულიად მარტო, ტანსაცმლის, წყლის და უფროსების გარეშე სამ ოთახიან ბინაში, მოსკოვში იპოვეს.

როგორც «МК»-თვის გახდა ცნობილი, პატარა გოგონას ეს საშინელი ისტორია უკვე ერთ წელზე მეტია გრძელდება. რამდენიმე წლის წინ მოსკოველმა ქალბატონმა გაიცნო უკრაინელი წარმოშობის მამაკაცი. ქალს მანამდეც ჰქონია ოჯახური ცხოვრების გამოცდილება, თუმცა ხანმოკლე. მალე წყვილს გაუჩნდა გოგონა, მაგრამ ოჯახურ ბედნიერებას დიდი ხნით გაგრძელება არ ეწერა. სამი წლის წინ მეგობარი ევგენი ( სახელი შეცვლილა ) სამშობლოში დააბრუნეს დეპორტაციით და მამაკაცმა მაშინვე დაივიწყა რუსეთში დატოვებული საყვარელი ქალიც და შვილიც.

– პირველ ხანებში ხშირად ვხედავდი, რომ ჟენია პატარას ასეირნებდა, მაგრამ შემდეგ ბავშვი დაიკარგა, - «МК»-ს ესაუბრა სადარბაზოს უფროსი ლუბა ალექსანდრეს ასული. ვეკითხებოდი: „სადაა გოგონა?“, ის მპასუხობდა: ხან ბებიასთანო, ხან საბავშვო ბაღში. ვერ ვგებულობდი რა ბებია, როცა მისი მშობლები 15 წლის წინ გარდაიცვალნენ! მგონი ის შეიშალა უკრაინელთან დაშორების შემდეგ.

ქალის გადმოცემით, ევგენიას საბინაოს გადახდის ვალი დაედო 670 000 რუბლი (სინამდვილეში ლევობერეჟნის რაიონის სასამართლოს გადაწყვეტილების თანახმად დავალიანება 200 000 რუბლს წარმოადგენს).მას სთხოვდნენ ვალის დაფარვას, მაგრამ მარტოხელა დედა არ ჩქარობდა მის გდაფარვას.

– ის მატყუებდა რომ მუშაობდა ენერგეტიკულ კომპანიაში და გამოიუშავებდა 60-70 000 რუბლს. გუშინ ისევ შემხვდა. ცხვირი მიაბრუნა. ჩემთვის გასაგებია რატომაც - 10 000 აქვს ჩემი ვალი. ისესხა იმ საბავშვო ბაღის გადასახადისთვის, რომელშიც არავინ არ დაჰყავდა თურმე! ისევ ვკითხე, როგორაა პატარა, მან გაურკვევლად რაღაც მიპასუხადა და შეძვრა ბინაში.

9-10 მარტის ღამით ლუბა ალექსანდრეს ასული ავიდა რა მერვე სართულზე, ევგენიას ბინის კარებიდან ბავშვის ტირილის ხმა გაიგონა. მან დაურეკა მეზობლებს. ერთად სცადეს ბავშვის დაწყნარება, მაგრამ შემდეგ მიიღეს გადაწყვეტილება და გამოიძახეს პოლიცია და МЧС. ძალოვანებმა გახსნეს კარები, და მეზობლბის წინ საშინელი სურათი გადაიშალა.

ბინა სავსე იყო ნაგავით, ყველგან იყო დაყრილი პოლიეთილენის ნაგვით სავსე პარკები. დენი და წყალი გადაუხდელობის გამო დიდი ხანია გათიშული იყო. სამზარეულოში კი იჯდა შიშველი გოგონა კისერზე შემოხვეული ნაჭრით და თავზე ნაქსოვი ქუდით. გულსაკიდის მძივები ისე იყო კისერში კანში შეზრდილი, რომ მხოლოდ ქირურგიული ჩარევის გზით მოხდა მისი მოშორება.

– ისეთი შეგრძნება გვქონდა, როგორც მაუგლის დანახვისას. ბავშვი არ ლაპარაკობდა და ძალიან სწყუროდა. დავუსხი ორი ლუდის ჭიქით წყალი. სულ დალია და კიდევ ითხოვდა, - დაასრულა ქალმა მოყოლა.

უყურეთ ვიდეოს

გოგონა საავადმყოფოში გადაიყვანეს. იქ ექიმებმა საცოდავ ბავშვს ქრონიკული დაავადებების მთელი ბუკეტი და გაუწყლოება დაუდგინეს.

დედა დააკავეს. რამოდენიმე დღიანი არყოფნის შემდეგ, ის სახლში დაბრუნდა, სადაც მეზობლებმა დაიჭირეს და დაკავებული ჰყავდათ პოლიციის თანამშრომლების მოსვლამდე.

მოცემულ ფაქტზე გამოძიებამ სისხლის სამართლის საქმე აღძრეს „სიცოცხლის ხელყოფის“ მუხლით.