ჩვენთვის ნაცნობი, თითქმის ყველა ზღაპრის სამშობლო ევროპაა. ზღაპრების ისტორია შუა საუკუნეებიდან იწყება, სოფლიდან სოფელში ვრცელდებოდა, თუმცა ამ მოგზაურობაში ჩვენს ზღაპრებს, სხვადასხვა ქვეყნებში ნელ-ნელა ცვლიდნენ. დღევანდელ სტატიაში ვისაუბრებთ ერთ-ერთ მათგანზე, რომელზეც უკვე საუკუნეებია მსოფლიოს უამრავ ქვეყანაში საუბრობენ. მაშასადამე, გავეცნოთ ჩვენთვის უდანაშაულოთ ცნობილ "წითელქუდას" შოკისმომგვრელ რეალურ ისტორიას.

"წითელქუდას" ზღაპარი 1697 წელს ჩარლზ პერალტიმ შეადგინა. მანამდე ზღაპრის შესახებ არავინ არაფერი იცოდა. ევროპელებს სურდათ ამ ზღაპრის დასაკუთრება და სახალხო ზღაპრების კრებულში ჩასმა, ამიტომ მისი შეცვლა მოუწიათ, ვინაიდან წითელქუდა სისასტიკის თემატიკა უფრო იყო, ვიდრე საბავშვო.

როდესაც ზღაპარი გავრცელდა და მოედო მთელ მსოფლიოს, ეს ამბავი ძმებ გრიმებს არ გამორჩენიათ, მათ პერალტის ზღაპრის ისტორიის შეცვლა მოახერხეს და ზღაპარში ჩასვეს მგლის პერსონაჟი. გრიმებისგან განსხვავებით, ზღაპრის რეალურ ავტორს, პერალტის უფრო საშინელი პერსონაჟები ჰყავდა ზღაპარში წარმოდგენილი.

მაგრამ ხალხს ეს არ მოსწონდა, ისეთი ზღაპრის მომხრე არავინ იყო, სადაც სექსუალურ ძალადობას და სისასტიკეს ჰქონდა ადგილი. გრიმების ხელმეორედ გადამუშავებულ ზღაპარს უფრო კეთილი პერსონაჟები და კარგი დასასრული ჰქონდა, რამაც მომავალში წითელქუდა ბავშვებსაც შეაყვარა.

"წითელქუდას" რეალური ისტორია

წითელქუდა ახალგაზრდა გოგონაა, ის სრულწლოვანების ასაკს უახლოვდება და გადაწყვეტს ბებიის მონახულებას. წყაროების თანახმად, წითელი ქუდი მიგვანიშნებს გოგონას მენსტრუაციის პერიოდს.

სახლიდან ბებიის მოსანახულებლად გასული გოგონა გზად უღრან ტყეს შეეყრება, სადაც ახალგაზრდებისთვის სიარული აკრძალულია, რადგან ტყეში უამრავი ურჩხული და საშინელი მგელი სახლობს. ზღაპრის თანახმად, გოგონა არ შეშინდება და გზას განაგრძობს, საბედნიეროდ, მას არც ურჩხული და არც მგელი შეხვდება. ბოლოს, შებინდებისას გოგონა ტყიდან გამოსვლას და ბებიის სახლის პოვნას მოახერხებს...

სახლში შესვლისას გოგონა შენიშნავს ბებიის ავადმყოფობას. მოკითხვის შემდეგ, ბებია გოგონას ტანსაცმლის გახდას და შემდეგ, ხორცის ჭამას სთხოვს, რომელიც სამზარეულოში ჰქონდა გადანახული. გოგონა ბებიის მითითებებს ზუსტად ასრულებს და უბრუნდება საძინებელს....

"ბებიას" კიდევ ერთი თხოვნა ჰქონდა დარჩენილი: "ახლა გაიხადე და დაწექი ჩემ გვერდით". არც ამ საქციელზე დაეჭვებულა ჩვენი "წითელქუდა"....

...როდესაც წითელქუდა დაწვება ბებიის გვერდით, მხოლოდ მაშინ შენიშნავს, რომ ის მგელია. ბოროტ პერსონაჟს "ხარხარი" აუტყდება და გოგონას ეტყვის:

"ის ხორცი, რომელიც რამოდენიმე წუთით ადრე მიირთვი, იყო ბებიაშენის ხორცი, მე უფრო ახალგაზრდა მჭირდებოდა, ამიტომ სავახშმოდ შენ გელოდებოდი." გოგონა ატირდება, თუმცა მისი ცრემლები ამაოა, სხვადასხვა წყაროების თანახმად, მგელი მას ჯერ გააუპატიურებს, შემდეგ კი შეჭამს.

ასე სრულდება რეალურად "წითელქუდას" ზღაპარი, რომელიც გრიმებმა შემდეგში სახალხო ზღაპრად გადააკეთეს.

როგორც ხედავთ, ზღაპარს, რომელსაც ბავშვებს ვუყვებით, სინამდვილეში კანიბალიზმთან და სიასტიკესთანაა დაკავშირებული.

სტატიის ავტორი: ალექსი აბდიევი

<<<<<თქვენთვის საინტერესო>>>>>