ინგლისის ნაკრების ჩინელი გულშემატკივარი, რომელიც 11 ღამის განმავლობაში ევროპის საფეხბურთო ჩემპიონატს უწყვეტად უყურებდა, გარდაიცვალა. შემთხვევა 20 ივნისს პროვინცია ხუნანის ქალაქ ჩანიშში მოხდა. “ევრო-2012"-ის მატჩების გამო, რომლის ტრანსლირებაც ჩინეთში დილით ადრე მიმდინარეობს, 26 წლის გულშემატკივარმა 11 დღე-ღამის ძილი მოიკლო. “ევრო-2012"-ის დაწყებამდე ჩინელი მამაკაცი ცხოვრების ჯანსაღ წესს მისდევდა, ჩემპიონატის დროს კი ალკოჰოლის და თამბაქოს აქტიური მომხმარებელი გახდა. ექიმი ლუ ძილინგის თქმით, ფეხბურთის გულშემატკივრის გარდაცვალების მიზეზი - უძილობა, სისხლში შაქრის დონის შემცირება და ცუდი სისხლის მიმოქცევა გახდა. ადრე 26 წლის მამაკაცი სრულიად ჯანმრთელი იყო და უნივერსიტეტის საფეხბურთო გუნდში თამაშობდა.