ხშირად, მხოლოდ ერთ ფოტოს შეუძლია უდიდესი აზრი გადმოსცეს და იმეტყველოს უამრავი წლის წინ მომხდარ მოვლენაზე, რაც გაიძულებს მოექცე იმ ჩარჩოებში და გახდე ამბის მაზიარებელი. ფოტო, ეს ხომ ერთადერთი უნიკალური საშუალებაა დაამყარო კავშირი უამრავ ტკბილ მოგონებასთან, სადაც მთელი წარსული ცხოვრება, ბედი თუ უნიკალური ამბავია კომბინაციაში. თუმცა მარტო ფოტოს ხილვა არას იმეტყველებს, თუ მასზე აღბეჭდილი მთავარი "ფიგურა" არ იმუშავებს ერზე განსაზღვრულ როლს.

თუმცაღა, ფოტოგრაფიის ტექნიკის განვითარებისა და ფოტოგრაფიული პროცესების გამარტივებასთან ერთად, გაიზარდა ფოტოგრაფიული საქმიანობის მოსურნეთა რიცხვი, რაც გულისხმობს დღევანდელ თაობას, რომელთაც ყველანაირი პირობა გააჩნიათ ფოტოს გადაღებისთვის, რათა აღბეჭდონ საჭირო კადრი საჭირო დროსა და მომენტში, ფანტაზიასაც არანაირად არ უჩივიან და თუ გაუმართლათ, წარმატებული კადრის წყალობით, მალევე ჯდებიან პოპულარობის ჩარჩოებში.

დღეს, სოციალური ქსელი იმაზე ბევრს წარმოადგენს, ვიდრე დაარსებისას მისი მისია იყო დაწერილი. მას ხალხი სხვა ბევრი მიზნისთვის იყენებს - საკუთარი ბრენდის და ბიზნესის რეკლამისთვის, ცუდი თუ კარგი ამბის გაზიარებისთვის, პლანეტის სხვა წერტილში მყოფ ახლობლებთან კომუნიკაციისთვის და გარდა ამისა, საკუთარი ფოტოების განთავსებისა და ე.წ "ლაიქების" (მოწონებები) ასაგროვებლად. ამ უკანასკნელმა ისეთი მასშტაბური სახე მიიღო, რომ დღეში ათასობით ახალ, ახლობლების თუ უბრალოდ ნაცნობებისა და უცნობების გამომწვევ ფოტოებს ვაწყდებით, რომლებიც უბრალოდ კარგი რაკურსის და ფანტაზიის შედეგია და ჩიხში შევყავართ.

ფოტოები სოციალური ქსელებიდან, რომლებიც "ფეიკია"

იხილეთ აგრეთვე: