ისვენებენ და ერთობიან ხელისუფლების წარმომადგენლები, მუსიკოსებთან და მსახიობებთან ერთად, ბათუმის ყველაზე პრესტიჟულ სასტუმრო "შერატონში". ეს ინფორმაცია გავრცელდა საბა წიწიკაშვილის მიერ რომელიც იუწყება, რომ ბათუმის შერატონში სასტუმროს XIV სართულზე ნახა ჩვენი პრეზიდენტი, მიხეილ სააკაშვილი. თვითონ გაეროს განვითარების პროგრამით, სამდღიან სემინარზე იმყოფებოდა იქ, რომელიც გაეროს პროგრამის მიერ იყო დაფინანსებული. საბა მიდიოდა თავის ნომერში მეთხუმეტე სართულზე, მაგრამ შემთხვევით მოხვდა მეთოთხმეტე სართულზე და იქ წააწყდა მიშას დაცვას, რომელმაც გააჩერა და გამოკითხვა დაუწყო, თუ იქ რატომ იმყოფებოდა. მოგეხსენებათ, პრეზიდენტი რომელ სართულზეც იმყოფება, მთელი სართული მის განკარგულებაშია, ანუ მასთან ახლოს არავის მიუშვებენ. გარდა ამისა, წიწიკაშვილის თქმით, იქ იმყოფებოდა მთავრობის სხვა წევრები: გიგი უგულავა, ეკა ტყეშელაშვილი, ზურაბ მელიქიშვილი, გიორგი არველაძე... ისინი ერთობოდნენ, როგორც ღია, ასევე დახურულ აუზზე. ამის შემდეგ შედიოდნენ თურქულ აბანოებში. რადგან მთავრობის წევრები არიან არ აქვთ აუზზე ბანაობის და მასაჟის გაკეთების უფლება?! საბა ამბობს რომ იგი კარგი მიზნით იყო შერატონში, ისინი კი გასართობად და დასასვენებლად. იმასაც აღიარებს, რომ ის დისკომფორტს არ გრძნობდა ფულის ხარჯვის მომენტში იმიტომ, რომ გაერო უფინანსებდა; განსხვავებით მთავრობის წევრებისა, რომლებიც სახელმწიფოს ფულს ჭამდნენ.