დღეს, რამდენი დედა დაფიქრებულხართ იმაზე, თუ ვინ არის თქვენი შვილის საუკეთესო მეგობარი?! რა თქმა უნდა ტელეფონი და კომპიუტერი. გახსოვდეთ, მობილური ტელეფონი ვერ ასწავლის თქვენს შვილებს ორგანიზებასა და დროის განსაზღვრას. ტელევიზორები კი ასწავლიან შვილებს ცხოვრების არასწორ მოდელს. თუნდაც მულტფილმ "ბუბკა ბობს"(სპანჩ ბობს) რა შეუძლია ასწავლოს თქვენს შვილებს? ან მოჩხუბარ ბიჭებზე ფილმს, რომელიც თავის ირგვლივ ბევრს მოერია, განა ისურვებდით თქვენი გოგონებისთვის ასეთ ქმრებს? მათი მიზანი არასწორად რომ არ წარიმართოს, მარტივად აღმოფხვერით პრობლემა- აკრძალეთ ტელევიზორი და მობილური.

"3 წლამდე ბავშვებში მულტფილმის ყურება, ზოგადად ტელევიზორი და ტელეფონები კატეგორიულად უნდა აიკრძალოს" - ამბობს ფრანგი ნეიროფსიქოლოგი ბორის ცირულნიკი. ამ თემაზე დაკონკრეტებით კი სტატიას აქვეყნებს გამომცემლობა Demotivateur, რომელშიც ბატონი ბორისის მიერ განმარტებულია, თუ რა უარყოფით გავლენას ახდენს მულტფილმი ბავშვებზე.

სამ წლამდე ასაკში ბავშვის ტვინს აქვს რესურსი, სამჯერ მეტი ინფორმაცია შთანთქოს, ვიდრე უფრო მოზრდილ ასაკში. ისინი უყურებენ ყველაფერს, რასაც თქვენ შესთავაზებთ, მულტფილმი იქნება, კლიპი, რეკლამა თუ პორნოფილმი. ამიტომ ის ბავშვები, რომლებიც ადრეული ჩვილობიდან უყურებენ ტელევიზორის თუ პლანშეტის მეშვეობით ნებისმიერი სახის ვიდეოს, რაც მათ ასაკში კატეგორიულად აკრძალულია, ფაქტი ხელს უშლის მათი ტვინის კორტიკალური რეგიონებისა და მნიშვნელოვანი ნერვული ქსოვილების განვითარებას. გარდა ამისა, ვერ ხდება კომუნიკაციის დონის ჩამოყალიბება და ხდება მხოლოდ "იმ უკანასკნელზე" (კომპიუტერი, ტელევიზორი, პლანშეტი, ტელეფონი) დამოკიდებული. სრულიად იბლოკება ბავშვის საქმიანობა, ის ვერ ურთიერთობს, გვიან იწყებს მეტყველებას ან ექმნება მეტყველებასთან დაკავშირებული პრობლემები და იხშობა მისი ყველა აქტივობა. უფრო გასაგებ ენაზე რომ გითხრათ, ბავშვი ვეღარ ან ძალიან გვიან ვითარდება.

ნეიროფსიქოლოგი ბორის ცირულნიკი ყველა დედას მოუწოდებს, რომ არავითარ შემთხვევაში არ მიაჯაჭვოს შვილი 3 წლამდე ტელევიზორს, პლანშეტს თუ ტელეფონს, არ აქვს მნიშვნელობა იქ რას ჩაურთავთ, რადგან ამ ასაკამდე ბავშვის ფსიქიკა არის სათუთი და მას გაფრთხილება სჭირდება. თუ მაინცდამაინც არ ითვალისწინებთ ექიმების და სწავლულების რჩევებს, ისინი გთხოვენ, რომ დრო მაინც შეუზღუდოთ და არ დააყოვნოთ ბავშვები ეკრანების წინ საათების განმავლობაში.

იხილეთ აგრეთვე:

"გვინდა, რომ ცოცხლები გიყვარდეთ" - მოზარდების თვითმკვლელობის მთავარი მიზეზები

ყველაზე დიდი შეცდომები, რომელთაც შვილის აღზრდის დროს ვუშვებთ

ბავშვები და კომპიუტერი- აუცილებლად წაიკითხეთ

აღარასოდეს დააწვინოთ ბავშვი დივანზე. აი რა საფრთხეს შეიცავს ეს ფაქტი