კომპანია Wing-ის გენერალულმა დირექტორმა ჯეიმს რაიან ბერჯესმა(James Ryan Burgess) გამოაცხადა ახალი პროექტის დანერგვის შესახებ, პირველად ევროპაში, 2019 წლის გაზაფხულიდან ფინეთის დედაქალაქ ჰელსინკში მომხმარებლებს გამოწერილ ან შეკვეთილ პროდუქციას "დრონი" მიუტანს.

როგორც კომპანია იუწყება, ბოლო 18 თვის მანძილზე სამხრეთ ავსტრალიაში მიმდინარეობდა უპილოტო საფრენი აპარატებით ტვირთის გადაზიდვის ტესტირება, ადგილობრივ საწარმოებთან თანამშრომლობის შედეგად "დრონმა" მომხმარებლებს მიაწოდა პროდუქტები, სასმელები, მედიკამენტები და საყოფაცხოვრებო ნივთები.

კომპანია Wing-ის წარმომადგენლების მტკიცებით "დრონით" მიტანილი პროდუქცია ბევრად უფრო სწრაფი, ეფექტური და უსაფრთხოა, ამასთანავე ეკოლოგიურად სუფთაა და ბევრად უფრო მეტ სარგებელს მოუტანს მომხმარებელს, ვიდრე მიწისზედა ტრანსპორტით მიტანილი.

კომპანია Wing-ის ჰოლდინგ Alphabet-ის საკუთრებაა, რომელიც ორი მიმართულებით ახორციელებს პროექტს, Loon-ი შესაბამისი ინფრასტრუქტურის არმქონე ადგილებში ინტერნეტ სიგნალის გასავრცელებლად საჰაერო ბურთებს იყენებს, ხოლო Wing-ი დრონით მიტანის სერვისს ავითარებს.