საქართველო
"ჯერ ხომ არ ვაჭიდაოთ? მერე კანდიდატების ძაღლები ვაჩხუბოთ! "-ალეკო ელისაშვილი
2018, 21 ნოემბერი, 16:44
სალომე ზურაბიშვილის შვილი, თეიმურაზ გორჯესტანი, „ძალაერთობაშიას“ საპრეზიდენტო კანდიდატის, გრიგოლ ვაშაძის შვილს, ნოდარ ვაშაძეს დებატებში იწვევს.
"სადაც გინდათ, როგორც გინდათ, მოვილაპარაკოთ. ეს არის ქართული ვაჟკაცობა, მოვილაპარაკოთ, რა არის საქართველო, ქართული კულტურა და ქართული ენა. მე მზად ვარ, როცა გინდათ, ბატონო ნოდარ!“ - მიმართა ნოდარ ვაშაძეს თეიმურაზ გორჯესტანმა.
ამ ფაქტთან დაკავშირებით საბურთალოს დამოუკიდებელი დეპუტატი ალეკო ელისაშვილი სოციალურ ქსელში წერს:
"ჯერ ხომ არ ვაჭიდაოთ? მერე მეზობლების დებატები გავმართოთ. მერე გარებიძაშვილების. მერე კანდიდატების ძაღლები ვაჩხუბოთ. სულ გაგიჟდნენ ხომ ესენი?! - წერს ალეკო ელისაშვილი
