11 ნოემბერს გაიმართა მილიარდელის და ყოფილი პრემიერ-მინისტრის, ბიძინა ივანიშვილის ვაჟის, რეპერ ბერა ივანიშვილის და ნანუკა გუდავაძის ქორწილი, ჯვრისწერის ცერემონიალი სვე­ტი­ცხო­ველის ტაძარში, ხოლო სა­ქორ­წი­ლო წვე­უ­ლე­ბა კო­ჯორ­ში, "Bioli Hall"-ში გა­ი­მარ­თა.

ნეფეს მეჯვარეები უმ­ცრო­სი ძმა ცოტ­ნე ივა­ნიშ­ვი­ლი და რე­პე­რი ამი­კო ჯა­ნე­ლი­ძე იყვნენ. არსებული ინფორმაციით, მარტო ყვავილებში ნახევარი მილიონი ლარი დაიხარჯა, საქორწინო ცერემონიალი ანსამბლ "ერისიონის" შესრულებული ცეკვა ქართულით დაიწყო, სტუმრებს შორის ახალგაზრდობა ჭარბობდა.

პოლიტიკოსებიდან ქორწილს ექს-პრემიერი ირაკლი ღარიბაშვილი და თბილისის მერი კახი კალაძე ესწრებოდნენ, მეუღლეებთან ერთად.

დარბაზში საგანგებოდ მოწვეული ფრანგული ბენდი უკრავდა, თავად ბერამაც ქორწილში ორი სიმღერა შეასრულა.

ბერა ივანიშვილის რჩეული ნანუკა გუდავაძე ყოფილი მოდელია, იგი თავის დროზე დიზაინერ ბიჭოლას ბრენდის სახე იყო და ბიძინა ივანიშვილის მეგობრის ქალიშვილია.