ავსტრალიის ახალი სამხრეთ უელსის შტატმა ოფიციალური განცხადება გამოაქვეყნა. განცხადების თანახმად, 1982 წელს მომხდარი მკვლელობის შესახებ ინფორმაციის მიმწოდებელი დაჯილდოვდება 725 000 დოლარით.

მიუხედავად იმისა, რომ მისი ცხედარი არ არის ნაპოვნი, სახელმწიფო პროკურორი თვლის, რომ ქალბატონი მოკლულია.

შტატის სოფელ ვოლგეტში, შემთხვევა 1982 წელს მოხდა. 2 შვილის დედა, როქსლინ ბოვი საყიდლებისთვის სახლიდან გავიდა. ეს იყო ბოვის შესახებ უკანასკნელი ინფორმაცია, მას შემდეგ ქალბატონი არავის უნახავს. შტატის პროკურორის განცხადებით, მათ ვერ აღმოაჩინეს ქალბატონის ცხედარი, თუმცა დარწმუნებულები არიან, რომ ის მოკლეს.

დაზარალებულის ოჯახი და საზოგადოება კითხვებზე პასუხებს ითხოვს, სამართლიანობა უნდა აღდგეს!

AA -ს ინფორმაციით, NSW(new south wales) -ის შტატის პროკურორი მკვლელობის გამოძიებას კვლავ აგრძელებს. საქმეში მონაწილეობას იღებს ასევე ათობით პოლიციელი, ორი გამომძიებელი და სპეც-აგენტი. საგანგებო სიტუაციების მინისტრის - ტროი გრანტის განცხადებით, საზოგადოება და დაზარალებულის ოჯახი პასუხს ითხოვს ამ ყველაფერზე. ამიტომ, ვინც შეძლებს დახმარებას, დაჯილდოვდება სოლიდური თანხით - 725 000 დოლარით.

"დაბადების დღეები, შვებულებები და უმნიშვნელოვანესი დღეები დედაჩემის გარეშე" - როქსლინ ბოვის ქალიშვილი

ბრენდა ბოიდი არის როქსლინ ბოვის ქალიშვილი. მან ჟურნალისტებთან ინტერვიუს დროს განაცხადა, რომ თუ მკვლელის დადგენა მოხერხდება, ამ შემთხვევაში პირადად ის გადაიხდის 1 მილიონ ავსტარალიურ დოლარს(725 000 ამერიკული დოლარი) და შტატის პროკურატურას არ მოუწევს ამ თანხისთვის ბიუჯეტის გამოყოფა.

"დაბადებიის დღეები, შვებულებები და მნიშვნელოვანი დღეები დედაჩემის გარეშე გავატარე! ჩემი ძმა უორენი ადრეულ ასაკში დაიღუპა! დავრჩი მხოლოდ მე და მაქვს ფული იმისთვის, რომ გადავუხადო მას, ვინც დედაჩემის მკვლელს მაპოვნინებს..."