საფეხბურთო სამყაროზე ვისაც კი მიუწვდება ხელი და ჩართულია ამ ციებ-ცხელებაში, ალბათ ყველა დამეთანხმებით იმ ფაქტზე, რომ ყველაზე დიდ ინტერესს ყოველთვის იწვევდა და იწვევს ორი ესპანური საფეხბურთო გრანდის დაპირისპირება, კერძოდ, მადრიდის რეალსა და კატალონიის ბარსელონას შორის, რადგან ამ ორივე კლუბში უამრავი სხვადასხვა ქვეყნის ვარსკვლავი თამაშობს. ბოლო წლებში კი, განსაკუთრებით გამოიკვეთა მსოფლიოს ორი წამყვანი ფეხბურთელი – მესი და რონალდუ.

რონალდო, რონალდინიო, რივალდო, ბექჰემი, ფიგუ, რაული, ზიდანი - ეს ის მცირე ჩამონათვალია, ვისაც ამ ორ კლუბში არაერთხელ გაუხარებია გულშემატკივარი ულამაზესი გოლებით. თუმცა მრავალი წლის შემდეგ პირველად "ელ კლასიკო" ვარსკვლავების გარეშე ჩაივლის. რადგან პორტუგალიელი რონალდუ სეზონის დასაწყისში იუვენტუსში გადაბარგდა, ხოლო არგენტინელი ლაიონელ მესი გასულ კვირას მიღებული ხელის ტრავმის გამო სამწუხაროდ, მატჩს გამოტოვებს.

მსოფლიო მხოლოდ ერთი კითხვის წინაშე დგას:ვინ გაიელვებს მატჩში?