არქიტექტურა ქობაირის ქართული მონასტერი სომხეთში ინგრევა და საპატრიარქო ყურადღებას არ აქცევს 2018, 20 ოქტომბერი, 7:03 
ქობაირის მონასტერი არის უძველესი ქართული მონასტერი და კულტურის ულამაზესი ძეგლი დღევანდელი სომხეთის ტერიტორიაზე, რომელიც მდებარეობს ლორეს რაიონში, ქალაქ თუმანიანის მახლობლად, დებედას ხეობაში, მთის წვერზე. ის უყურადღებოდაა მიგდებული და ინგრევა. მას ყურადღებას არ აქცევს საქართველოს მართლმადიდებლური ეკლესია და არ ეძვრის გული იმაზე, რომ სომხეთის ტერიტორიაზე ქართული კულტურის კვალი ნადგურდება. 
თავდაპირველად ქობაირის მონასტერი 1171 წელს დაარსდა. ტაშირ-ძორაგეტის სომხურ-ქართული სამეფოს მეფის - კვირიკე მეორის ასულის, მარიამის მიერ. 2 საუკუნის შემდეგ ძლიერი მიწისძვრის შედეგად მნიშვნელოვანი ზიანი და ნგრევა განიცადა. ეს კომპლექსი ცნობილია დღემდე შემორჩენილი უძველესი ქართულ-ბიზანტიურ სტილში შესრულებული ფრესკებით. 
ტაძარში თამარ მეფის ამირსპასალარის - ზაქარია მხარგრძელის და მისი მთელი ოჯახის საძვალე მდებარეობს. აუცილებლად აღსანიშნავია ისიც, რომ ქობაირის მონასტრის შემოგარენში სხვა რამდენიმე ქართული არქიტექტურის ნაშთიც მდებარეობს, რომელიც აუცილებლადაა აღსადგენი და რომელიც დღეს მნახველებისთვის სრულიად მიუდგომელიც კია. 
იხილეთ სხვა საინტერესო სტატიებიავტორი: თორნიკე ფხალაძე 414 5-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
