ცნობილმა ამერიკელმა მეცნიერმა ახსნა თუ რატომ არ არსებობს სიკვდილი
ცნობილი ამერიკელი მეცნიერი, რობერტ ლანცი, რომელიც "ჟურნალ TIME-ში" დაასახელეს ტოპ-100 ყველაზე გავლენიან ადამიანთა შორის, გამოთქვა თეორია, რომ სიკვდილი არ არსებობს - გამოკვლევების მეშვეობით დადგინდა, რომ სიკვდილი უბრალოდ ადამიანური ილუზიაა.
"სინამდვილეში ცნობიერება არ ქრება, ის აგრძელებს მუშაობას, თუმცა უკვე სხვა სამყაროში" - აცხადებს რობერტ ლანცი.
რობერტ ლანცი ცნობილი იყო თავისი გამოკვლევებით "ღეროვან უჯრედებზე" და ასევე უკვე გადაშენებული ცხოველების "კლონირებაში". რამოდენიმე წლის წინ მან გადაწყვიტა შეეცვალა თავისი სამეცნიერო მიმართულება, დაინტერესდა ფიზიკითა და კვანტური მექანიკით. სწორედ ამ ერთ-ერთი მიმართულების დახმარებით დაადგინა ლანცმა სიკვდილის არ არსებობის თეორია.
"ადამიანები თავის არსებობას სხეულთან აკავშირებენ. თვლიან, როდესაც სხეული გარდაიცვლება ისინიც მასთან ერთად მოკვდებიან. თუმცა ცნობიერება არსებობს დროისა და სივრცის გარეთ." - აცხადებს პროფესორი.
იმის შესაძლებლობა, რომ ცნობიერება იყოს ყველგან, ადამიანის სხეულის გარეთაც, კვანტური მექანიკის საფუძვლებს შეესაბამება. ადამიანური ცნობიერება ენერგიის ერთ-ერთი სახეობაა, ამიტომაც ის არ ქრება და მისი განადგურება შეუძლებელია, მას შეუძლია დაუსრულებლად შეიცვალოს და გარდაიქმნას.
"არსებობს უამრავი სამყარო. მათში ხორციელდება ყველა მოვლენის განვითარება. ერთ სამყაროში სხეული კვდება, მეორეში კი განაგრძობს სიცოცხლეს - შთანთქავს იმ ცნობიერებას, რომელმაც გადაინაცვლა ახალ სამყაროში"- აცხადებს პროფესორი რობერტ ლანცი.
იხილეთ ასევე:
