ბოლო დღეებში ჯენიფერ ლოპესი საკუთარ ინსტაგრამის ანგარიშზე ვარჯიშის ფოტოებს აზიარებს. იგი 49 წლისაა, თუმცა გამოიყურება როგორც 29 წლის ახალგაზრდა ქალბატონი. მას ნამდვილად საოცარი ტანი აქვს, რაც მის თაყვანისმცემლებს ორმაგად აოცებს.

ჯენიფერმა სოციალურ ქსელში ღიად ამხილა თავის ახალგაზრდობის საიდუმლო, რომელსაც სწორ კვებას და ვარჯიშს უკავშირებს. წარმოგიდგენთ ჯეი ლოს 8 საიდუმლოს, რომელიც მას ახალგაზრდობის შენარჩუნებაში ეხმარება.

ჯეი ლო ღამეებს არ ათენებს. ის ღამით ადრე იძინებს, რათა დილას ადრე გაიღვიძოს. მისთვის ყოველი დილა იწყება სპორტით, ეს უკვე ჩვეულებად ექცა. თუმცა არ უნდა დაგვავიწყდეს, რომ ჯენიფერს სპორტის 2 მასწავლებელი ჰყავს, აქედან გამომდინარე, სპორტი მისი განუყრელი ნაწილია.

როგორც იცით, ზაფხულის ცხელ დღეებს ცნობილები ზღვისპირა კურორტებზე ატარებენ, თუმცა ჯენიფერი გამონაკლისია. მას კარგად აქვს შესწავლილი მზის სხივის უარყოფითი მხარეები და მაქსიმალურად ცდილობს გარუჯვისგან თავის შორს დაჭერას.

ჯენიფერი საკუთარ თავს სასტიკად უკრძალავს:კოფეინს, სიგარეტს და ალკოჰოლს. რაღაც მომენტებში მას სიგარეტიც მოუწევია და ალკოჰოლიც მიურთმევია, თუმცა ყავა მისი მტერია.

როგორც სტატიის დასაწყისში ვახსენეთ, ჯენიფერი დილას ადრე იღვიძებს. წელს ყველაზე გვიან დილის 9 საათზე გაუღვიძია (ჩვენი დროით). აქედან გამომდინარე, ის ადრეც იძინებს, ცდილობს, დღე–ღამეში 9–10 საათი მაინც ეძინოს.

ვარჯიშის შემდეგ, 2 წუთის განმავლობაში სახეს წყლით იბანს. რა თქმა უნდა, მაკიაჟით არასდროს დაწოლილა დასაძინებლად.

"ჯანსაღი ცხოვრების წესის დაცვა აუცილებელია, ამისთვის დღეში მინიმუმ 8 ჭიქა წყალი უნდა დალიოთ" - წერს ჯენიფერი ინსტაგრამის გვერდზე. მისი აზრით, ვარჯიშის წინ წყლის დალევა ენერგიას მატებს.

იშვიათად ეკარება ხორცეულს და ცომეულს. მისი საყვარელი საკვების 80% თითქმის ბოსტნეულისგანაა დამზადებული. გარდა ამისა, გაზიან სასმელებსაც იშვიათად მიირთმევს!