ირლანდიელმა, უმუშევრად დარჩენილმა მხატვარმა, ფრენკ ბაკლიმ ფულის კუპიურებით სახლი აიშენა. ძირითად სამშენებლო მასალად, მან გამოიყენა 1, 4 მილიარდი ევრო. მას შემდეგ, რაც ირლანდიის ცენტრალური ბანკისგან მიიღო უფლება, ბაკლიმ დააპროექტა და ახლა უკვე ცხოვრობს სახლში, რომელიც ააშენა ჩამოწერილი ბანკნოტებისგან. იგი ამბობს: " ხალხი მილიონებს დებს შენობაში, რომლებიც არაფრად არ ღირს, მე კი მსურს არაფრისგან შევქმნა რაღაც". და მართლაც მან ეს შეძლო. ბაკლიმ ჩამოწერილი ბანკნოტებისგან გააკეთა აგურები, რომელთაგან თითოეული შედგებოდა 40-50 ათასი ევროსგან. იდეა ასეთი სახლის აშენებისა, მას შემდეგ გაუჩნდა, როდესაც იგი მუშაობდა ნახატზე, სადაც იგი იყენებდა ასევე გაუქმებულ ბანკნოტებს. ეს სახლი მხატვარმა ააგო ერთერთ მიტოვებულ ცენტრში, დუბლინში, რომელსაც "სახლი მილიარდ ევროდ" უწოდა. კედლები და ჭერი, რომელიც ევროს ნაკუწებით არის დაფარული, კარგად ინარჩუნებს სითბოს, ამიტომ მხატვრის სახლში ყოველთვის თბილა. მხატვარს სახლში აქვს მისაღები ოთახი, საპირფარეშო და შიდა პატარა ეზო. ახლა ბაკლი ფიქრობს სამზარეულოსა და ჰოლის დამატებაზეც. მხატვარი ამბობს, რომ ასეთი სახლი კარგად გამოხატავს თუ რაოდენ შეშლილია მსოფლიო და აფიქრებინებს მათ ფულის არსზე.