პრეზიდენტობის ერთ-ერთმა კანდიდატმა, სალომე ზურაბიშვილმა, აგვისტოს ომთან დაკავშირებით მორიგი განცხადება გააკეთა. მან ამ თემაზე 11 სექტემბერს ინგა გრიგოლიას „რეაქციაში“ ისაუბრა.

სალომე ზურაბიშვილი: "დავბომბეთ ჩვენი მოსახლეობა, რისი უფლება არცერთ პრეზიდენტს არ გააჩნია. ჩვენ მეორე დღეს როგორ უნდა ვთქვათ, რომ ჩვენ გვინდა მთლიანობა ამ ქვეყნის. მე მინდა მთლიანობა ამ ქვეყნის და არ მინდა, რომ არცერთ პრეზიდენტმა დაბომბოს თავისი ტერიტორია და თავისი მოქალაქეები. მართალი არის, რომ ცხინვალი იყო დიდწილად დაცლილი რუსების მიერ, რაც იყო პროვოკაციის ნაწილი. იქ შეილება კიდევ სხვა რამე იყო გარიგებები. ეს ისტორია არ დაწერილა ბოლომდე მთელ ჩვენ ისტორიაზე დაწყებული 18 წლიდან. უნდა ვიცოდეთ რა გვაქ ზურგს უკან, იმისთვის, რომ წინ წავიდეთ“.