ყვავი არის ბეღურასნაირთა რიგის ორი ფრინველის კრებითი სახელწოდება. შეფერილობის მიხედვით არჩევენ: რუხ ყვავს (Corvus cornix) და შავ ყვავს (Corvus corone). მათი არეალების სასაზღვრო ზონებში გვხვდება გარდამავალი შეფერილობის ნაჯვარი ინდივიდები. ყვავის სხეულის სიგრძე 44-56 სმ აღწევს, ბინადრობს ევროპაში, აზიასა და ჩრდილო-აღმოსავლეთ აფრიკაში (ნილოსის შესართავი). საქართველოში ბინადრობს და ფართოდაცაა გავრცელებული რუხი ყვავი, შავი ყვავი კი შემჩნეულია მხოლოდ შემოფრენისას. ზამთარში ჩრდილოეთით მცხოვრები პოპულაციები უფრო სამხრეთით ნობადობენ. ყვავი პოლიფაგია (ყოვლისმჭამელი).

Popular Science -ის ინფორმაციით, მეცნიერთა ჯგუფმა ფართომაშტაბიანი კვლევა ჩაატარა ყვავების შესახებ. კვლევის ერთ-ერთი უცნაური ნაწილი ყვავების სიკვდილი იყო. "რა ხდება მაშინ, როდესაც ყვავი კვდება?"

როდესაც ყვავი კვდება და ამის შემსწრე ხდება სხვა რომელიმე ყვავი, უმალვე წყვეტს საკვების ძიებას და იწყებს ბოლო ხმაზე ყვირილს, რათა ახლომდებარე ყვავები გამოიძახოს. ამის შემდეგ, ყვავები იკრიბებიან მკვდარი ყვავის გარშემო.

"ისინი გამოსცემენ უჩვეულო ხმებს, როდესაც ხედავენ საკუთარი სახეობის ინდივიდის სიკვდილს, იკრიბებიან ერთად და ატარებენ უცნაურ რიტუალს... ყვავები ხომ ძალიან ჭკვიანი ფრინველები არიან" - აცხადებს ამერიკელი მეცნიერი.

კვლევის შედეგად აღმოჩნდა, რომ მკვდარ ყვავს, ამავე სახეობის წარმომადგენლები სხვადასხვა მცენარეებით ფარავენ, რათა რომელიმე არსებამ არ შეჭამოს.

ამის შემდეგ ისინი რამოდენიმეწუთიან დუმილს უცხადებენ მკვდარ ყვავს - ეს ნამდვილად საოცარი და უცნაურია. რას ნიშნავს ყვავების ეს საქციელი? ამ კითხვაზე პასუხი მეცნიერებს ჯერ არ მოუპოვებიათ.

ყვავების უძინარი მტერი ტყის ბუა. როდესაც მტერს შენიშნავენ, ისინი იკრიბებიან, თათბირობენ და შეტევაზეც ერთად გადადიან.

ამ კვლევამ ცხადყო ის ფაქტი, რომ ყვავებიც, როგორც სპილოები და ჟირაფები, გლოვობენ საკუთარი სახეობის სიკვდილს, ატარებენ რიტუალებს და იქცევიან როგორც ადამიანები.

მკვლევარი მარკ შვაიგერი - "ყვავები ძალიან ჭკვიანები არიან, იმდენად ჭკვიანები, რომ წარმოდგენაც არ გეყოფათ!"