ეკოპალა ჩანანტაპოგი – ეს იმ პიროვნების სახელია, რომელმაც ტაილანდელი ბავშვების მოკლე გზით გაყვანა სცადა. მისი გამო მოზარდებს რამოდენიმე დღის გატარებამ მოუწიათ გამოქვაბულში, სადაც მათ სიცოცხლეს საფრთხე ემუქრებოდა. იგი ახალგაზრდული საფეხბურთო კლუბის მწვრთნელი იყო. ტაილანდური წყაროების თანახმად, ეკოპალა ჩანანტაპოგი მწვრთნელობამდე მოძღვარი იყო.

სამწვრთნელო კარიერამდე, 5 წლის განმავლობაში Wat Phra That Doi Wao ის ტაძარში მოძღვარი იყო. მონასტერის მთავარი მოძღვარი, პრახრუპრაიუტჩეანუკანი ასე ახასიათებს ყოფილ მოძღვარს: "მონასტერში ის ჩემი საუკეთესო მეგობარი იყო. ნაკლებად პრეტენზიული, ძალიან კეთილი და უერთგულესი. არასოდეს არ სვამდა, არ ეწეოდა თამბაქოს."

"როდესაც ჩემთან მოვიდა, ის ვერ ვიცანი. სანამ მოძღვარი გახდებოდა, ურთიერთობაც გვქონდა, მან მთხოვა, რომ გუნდის მწვრთნელად ემუშავა. მას ბავშვები ძალიან უყვარდა და ცდილობდა სპორტით დაკავებულიყვნენ, რათა მომავალში ნარკოტიკებისგან თავი აერიდებინათ. ეკაპოლი ერთ-ერთი საუკეთესო ადამიანია, ვინც კი დღემდე გამიცვნია."

23 ივნისს, ეკაპოლი და Wild Boars -ის 12 ახალგაზრდა ფეხბურთელი თამ ლუანგის გამოქვაბულში გაიხიზნნენ. ისინი ცდილობდნენ მოკლე გზით გასვლას, რამაც მათ სიცოცხლეს საფრთხე შეუქმნა. საზოგადოებამ გუნდის მწვრთნელი ძალიან გააკრიტიკა, თუმცა ის ერთ-ერთი მთავარი პიროვნება იყო, რომელსაც ბავშვების გამოყვანაში დიდი წვილილი აქვს შეტანილი.

მთავარი მოძღვრის თქმით, 9 დღის განმავლობაში ბავშვების ცოცხლად შენახვა ზუსტადაც ეკაპოლის დამსახურებაა. ის იყო მორწმუნე და მან ამ მცირე პერიოდში ბავშვებს რწმენა ასწავლა.

"მონასტერში ეკაპოლმა ბევრი რამ ისწავლა. რაც პირადულ ცხოვრებაში გამოადგა, ჩვენ მონასტერში ვასწავლიდით, თუ როგორ უნდა გავუძლოთ გაჭირვებას, რატომ არ უნდა ვიტიროთ გამოუვალ მდგომარეობაში და რისი უნდა გვჯეროდეს ყველაზე მეტად... და აი ეს ყველაფერი ეკაპოლს კარგად ჰქონდა შესწავლილი და მან 9 დღეში ბავშვებს შეასწავლა, ზუსტად მისი დამსახურებაა, რომ 12-ვე ბავშვი დღეს ცოცხალია."

ტაილანდის ზღვის კომანდოს სერჟანტის აზრით, შესაძლოა ეკაპოლას მედიტაციით გადარჩენილიყვნენ ბავშვები.