Victoria's Secret-ის ყოველწლიური გრანდიოზული ჩვენება დიდი ხანია გაცდა მოდური-შოუს ჩარჩოებს და ის ნამდვილ სპექტაკლს წარმოადგენს, რომელშიც მონაწილეობას იღებენ მსოფლიო დონის ვარსკვლავები.

წელს ნიუ-იორკში გამართულ ჩვენებაზე ერთმანეთს ენაცვლებოდნენ ადრიანა ლიმა, ალესანდრა ამბროსიო, კარლი კლოსი, ანა ვიალიცინა, ანია რუბიკი, მირანდა კერი, დაუტცენ კრეზი, შანელ იმანი, შოუ კი ნიკი მინაჟის, კანიე ვესტის, Jay z-ს, Maroon 5-ს სიმღერების თანხლებით მიმდინარეობდა.

მოდელებმა წარმოადგინეს Swarovski-ის კრისტალებით გაფორმებული მდიდრული კოსტუმები და შესანიშნავი განწყობა შექმნეს.

განსაკუთრებული ყურადღება მიიპყრო მირანდა კერის მიერ წარმოდგენილმა 2, 5 მილიონი დოლარის ღირებულების ბიუსჰალტერმა.