x
მეტი
  • 28.03.2024
  • სტატია:134035
  • ვიდეო:353919
  • სურათი:508247
1920-იანი წლების ცნობილი ქალბატონების მეთოდები, რომლებსაც იდეალური გარეგნობის მისაღწევად იყენებდნენ
image


მათი სახეები ფოტოებზე სრულყოფილად გამოიყურება: მსხვილი ტუჩები, ფართოდ გახელილი თვალები, იდეალური ოვალი... გასაოცარია, იმ დროს ხომ ფოტოშოპი არ იყო! თუმცა რეტუშის სპეციალისტები უკვე არსებობდნენ, თვითონ მსახიობები კი უამრავ ეშმაკობებს და ლაიფხაკებს მიმართავდნენ, ნანატრი იდეალისთვის რომ მიეღწიათ.

კლარა ბოუ

image

დღეს შეიძლება უცნაურად მოგეჩვენოთ, რომ გასული საუკუნის 20-იან წლებში ქალბატონები სულაც არ მიისწრაფოდნენ დაბურული ტუჩები ჰქონოდათ, მოდაში იყო ე.წ. "კუპიდონის ისარი": როცა ზედა ტუჩს ტალღისებური მშვილდის ფორმა ჰქონდა, ქვედას კი დაჭიმული სიმის. ამასთან ტუჩები პატარა უნდა ყოფილიყო, ასე სახეს საყვარელი და გულუბრყვილო ანგელოზის იერი ეძლეოდა.

გლორია გრემი

image

მოდა ერთ ადგილზე არ დგას. "კუპიდონის ისრის" ბუმის შემდეგ ლამაზმანებმა დაბერილ ტუჩებზე იწყეს ფიქრი. მაგალითად, გლორია გრემი, ზედა ტუჩის ქვეშ ბამბას ან რამდენიმეჯერ გადაკეცილ ქსოვილს იდებდა. ამის შედეგად ტუჩები უფრო მოცულობითი ხდებოდა. მართალია, მსახიობის კოლეგები წუწუნებდნენ, რომ გრემი ზედმეტად ხშირად სარგებლობდა ქალების ოთახით, ბამბა რომ შეეცვალა. რას ვიზავთ, უცნაური მეთოდია, მაგრამ ხომ მუშაობდა!

მარლენ დიტრიხი

image

მშვენიერი მარლენი თანამედროვე კონტურინგის ფუძემდებელია. შავ-თეთრ ფირზე ფერუმარილი არ ჩანდა, ბრონზერები ჯერ არ იყო გამოგონილი, ამიტომ მსახიობი ღაწვებს წითელი და ყავისფერი პომადით იღებავდა. ამაზე დიტრიხის ბიუთი-ტრიუკების არსენალი არ მთავრდებოდა: ლამაზმანი სახეს იჭიმავდა წებოვანი ლენტის საშუალებით და რამდნიმე სიბრძნის კბილიც კი ამოიღო, რათა ღაწვები ფოტოზე და კადრში უფრო ექსპრესიული ყოფილიყო.

ლორეტა იანგი


image

1920-იანებში მოდა წვრილ წარბებზე ტყუილად არ შემოსულა. წვრილი წარბები იმეორებდა ტუჩის მოხაზულობას და მისი წყალობით თვალებიც მოცულობით უფრო მსხვილი ჩანდა. და არავითარი ფილტრი!

ვერა ხოლოდნაია

image

რატომ არავის უკვირდა ძველი ჰოლივუდის ეპოქაში თვალის შავი ჩრდილები, ხელოვნური წამწამები და დახატული წარბები? ყველაფერი მარტივია: მკვეთრი მეიკაპის გარეშე სახე შავ-თეთრ ფოტოებზე თეთრი ფურცელივით გამოჩნდებოდა. კიდევ ერთი მიზეზი, მუქი ფერის ჩრდილების ფონზე თვალის გუგები უფრო მკვეთრად და თეთრად გამოიყურებოდა. ამის შედეგად გამოხედვა უფრო გამომსახველობითი იყო. ვერა ხოლოდნაია რეგულარულად იყენებდა ასეთ პატარა ეშმაკობებს.






იხილეთ ასევე:






რა იმალება სინამდვილეში საყვარელი ფილმების საკულტო სცენების მიღმა

image


პომადის შემადგენლობა, მისი ისტორია და საშიშროება

image


გასული საუკუნის მოდის მიმდევარი ქალბატონების თავდაცვის საშუალება-თავსაბურავის სარჭი, რომლითაც საყვარლების მკვლელობებიც ხდებოდა

image


ჩვენი წინაპრების თმის მოვლის მეთოდები(დამწვარი ვირთხის ფერფლი, კაკლის ნაჭუჭის ნახარში და ა.შ.) და ვარცხნილობები

image


მან გადაწყვიტა არასოდეს გაეღიმა, რათა მუდამ ახალგაზრდა დარჩენილიყო

image


სილამაზე მსხვერპლს მოითხოვს: უცნაურობები, რომლითაც ქალბატონები სარგებლობდნენ გასულ საუკუნეში

image


მასაჟის ყველაზე უცნაური ნაირსახეობები

image


სტომატოლოგების ახალი "ფიშკა"-შოუბიზნესის ვარსკვლავების კბილების სამკაულები

image


როგორი იქნებოდნენ ცნობილი ქალბატონების პერსონაჟები მაკიაჟის გარეშე

image


რატომ იღუპებოდნენ მე-19 საუკუნეში მოდის ტენდენციების მიმდევარი ქალიშვილები

image








0
276
5-ს მოსწონს
ავტორი:ირინა მ.
ირინა მ.
276
  
კომენტარები არ არის, დაწერეთ პირველი კომენტარი
0 1 0