ილინოისის შტატში მსოფლიოში ყველაზე დაბალი და-ძმა ცხოვრობს. ბრიჯიტ და ბრედ ჯორდანები მსოფლიო რეკორდების წიგნში არიან შესულნი. ბრიჯიტი და ბრედი პატარები არიან, მაგრამ ამის გამო ხალხთან ურთიერთობა არ უჭირთ.

ბრიჯიტსა და ბრედს იშვიათი დაავადება სჭირთ, რომელიც 200 ათას ადამიანში ერთს აწუხებს. 23 წლის ბრიჯიტის სიმაღლე მხოლოდ 68 სანტიმეტრია. ბრედის სიმაღლე 90 სანტიმეტრს შეადგენს; მას სპორტი ძალიან უყვარს. შარშან ბრიჯიტმა წოდება "მსოფლიოში ყველაზე დაბალი ქალი" მიიღო. თუმცა, მისი რეკორდი რამდენიმე თვის შემდეგ ინდოელმა ჯიოტი ამგემ გააუმჯობესა, რომელიც 60 სანტიმეტრია.