კომპანია Zipwhip-მა შექმნა ხელსაწყო, რომელიც ესპრესოს თქვენი ბრძანების შესაბამისად რამდენიმე წამში მოამზადებს. მას Textpresso ჰქვია.

როდესაც ყავის დალევა მოგინდებათ, გაუგზავნით რობოტს შეტყობინებას და ესპრესოს მანქანა ყავას დაგიმზადებთ. გარდა ამისა, მანქანა საკვები მელნით ესპრესოს ქაფზე ტექსტს წერს. იმისთვის, რომ შემკვეთმა საკუთარი ესპრესო იცნოს, ხელსაწყო ქაფზე კონკრეტული პიროვნების მობილური ნომრის ბოლო ციფრებს ბეჭდავს.

კომპანია მანქანების სერიულ წარმოებას არ აპირებს. ის მხოლოდ საკუთარი თანამშრომლებისთვისაა ხელმისაწვდომი, რათა სამუშაო დღე მეტი ენთუზიაზმით დაიწყონ.