ბიზნესმენი მიხეილ ხადარკოვსკი კიევში ჩავიდა. ნავთობკორპორაცია ЮКОС-ის ყოფილი ხელმძღვანელი და ვლადიმერ პუტინის ყოფილი "პირადი პატიმარი" კიევის პოლიტექნიკურ უნივერსიტეტში ლექციას წაიკითხავს.

"უკრაინაში განვითარებულ მოვლენებთან დაკავშირებით პროგნოზის გაკეთება არ შემიძლია. აქ ერთ-ერთ უნივერსიტეტში ლექციის ჩასატარებლად ჩამოვედი და ლექციაზე ვიტყვი ყველაფერს, რისი თქმაც მსურს. ახლა კი მინდა, კოლეგებთან ერთად ვნახო, რა ხდება და რა იყო მანამდე. არ მინდა, რაღაც პარალელების გავლება, მხოლოდ მსურს, რომ გავერკვე, რა მოხდა, შთაბეჭდილებებზე ლაპარაკი არ მსურს", - აღნიშნა ხადარკოვსკიმ.

მაიდანი ბიზნესმენმა უკრაინის ყოფილ შს მინისტრთან იური ლუცენკოსთან ერთად დაათვალიერა და ევრომაიდნელებს გაესაუბრა.