დილით გაღვიძება, განსაკუთრებით კი ზამთარში, ბევრ ადამიანს უჭირს. ზოგჯერ მაღვიძარას წკრიალს მთელი დღის განწყობის გაფუჭებაც კი შეუძლია.

სწორედ მათთვის, ვისაც საუზმეზე გემრიელად დანაყრება უყვარს, შექმნეს სპეციალური iPhone აპლიკაცია. მას გემრიელი ბეკონის შიშხინის მელოდია აქვს. ამასთან, სპეციალური მოწყობილობა, რომელიც iPhone-ს უერთდება, ბეკონის სურნელს აფრქვევს.

აპლიკაცია "გაიღვიძე და შეიგრძენი ბეკონი" ოსკარ მაიერმა შექმნა, რომელიც აშშ-ში ხორცის მეწარმეა.