გახსოვთ საქართველოს ყოფილი თავადაცვის მინისტრი ოქრუაშვილი ჩვენზე რას ღრიალებდა: რუსები ფეკალიებისგან დამზადებულ ღვინოსაც იყიდიანო, მაგრამ საქართველო დადგა ჩვენს წინაშე მუხლებზე და არა ჩვენ - მის წინაშე, - განაცხადა რუსეთის "ლიბერალურ-დემოკრატიული პარტიის" ლიდერმა ვლადიმერ ჟირინოვსკიმ რუსეთის სანიტარული სამსახურის მიერ შემოღებული აკრძალვების შესახებ საუბრისას. ჟირინოვსკის თქმით, ლიტვა, ლატვია, ესტონეთი ევროპისთვის კარგ პროდუქციას ამზადებენ, რუსეთის ბაზარზე კი უვარგისი შეაქვთ. ჟირინოვსკი, როგორც წესი, საქართველოსაც გადასწვდა და, ზემოთ უკვე ნახსენებ განცხადებასთან ერთად აღნიშნა, რომ იმპორტირებულ "ბორჯომზე" წარწერა ინგლისურად კი არა, რუსულად უნდა იყოს.