გერმანული ფეხბურთის ლეგენდა და ამჟამად გერმანიის ფეხბურთის ფედერაციის საპატიო პრეზიდენტი ფრანც ბეკენბაუერი აცხადებს, რომ იგი უცხოპლანეტელებს შეხვდა. მისი თქმით, უცხოპლანეტელებს დედამიწის მკვიდრებთან ფეხბურთის თამაში სურთ. ბეკენბაუერი ამტკიცებს, რომ ჩვენი წაგების შემთვევაში უცხოპლანეტელები დედამიწის განადგურებით იმუქრებიან.მისი მტკიცებით, აქედან გამომდინარე, მხოლოდ ფეხბურთს შეუძლია სამყაროს გადარჩენა.

როგორც ირკვევა, ფეხბურთის ისტორიაში ერთ-ერთი საუკეთესო მცველის ვიდეომიმართვა სარეკლამო აქციის ნაწილია.
შავმოსასხამიანი "უცხოპლანეტელები" უკვე სტუმრობდნენ მიუნხენში "ალიანს არენას", ტურინში "იუვენტუს სტედიუმსა" და ლონდონში "სტემფორდ ბრიჯს".
ბრიტანული პრესის ცნობით, "უცხოპლანეტელების" გამოჩენა, სავარაუდოდ, Samsung-ის მარკეტინგული აქცია Winner Takes Earth-ის ნაწილია.

შეგახსენებთ, რომ დამატებითი ინფორმაცია უცხოპლანეტელების სტუმრობასთან დაკავშირებით ბეკენბაუერმა 1-ელ ნოემბერს უნდა გაავრცელოს.