x
მეტი
  • 03.07.2022
  • სტატია:120507
  • ვიდეო:354495
  • სურათი:492590
სოროსის თქმით, რუსეთ-უკრაინის ომი შეიძლება გახდეს მესამე მსოფლიო ომის დასაწყისი

image
მილიარდერმა ფინანსისტმა ჯორჯ სოროსმა განაცხადა, რომ რუსეთის შეჭრამ უკრაინაში შესაძლოა მესამე მსოფლიო ომი გამოიწვიოს, ამიტომ დასავლეთისთვის მნიშვნელოვანია პრეზიდენტ ვლადიმერ პუტინის ძალების დამარცხება.


ამის შესახებ მან დავოსში მსოფლიო ეკონომიკურ ფორუმზე განაცხადა, წერს „ევროპული სიმართლე“ Reuters-ზე დაყრდნობით.


"შემოჭრა შეიძლება იყოს მესამე მსოფლიო ომის დასაწყისი და ჩვენი ცივილიზაცია შეიძლება ვერ გადაურჩეს მას. ჩვენი ცივილიზაციის გადარჩენის საუკეთესო და შესაძლოა ერთადერთი გზა არის პუტინის რაც შეიძლება მალე დამარცხება. ამაშია არსი." - თქვა სოროსმა.


სოროსმა თქვა, რომ პუტინი, რომელიც ამბობს, რომ უკრაინაში "სპეციალური ოპერაცია" გეგმის მიხედვით მიდის და მიაღწევს კრემლის ყველა მიზანს, ახლა თვლის, რომ შეჭრა შეცდომა იყო და ემზადება ცეცხლის შეწყვეტის შესახებ მოლაპარაკებისთვის.



"მაგრამ ზავი მიუღწეველია, რადგან მისი ნდობა შეუძლებელია. რაც უფრო სუსტი ხდება პუტინი, მით უფრო არაპროგნოზირებადი ხდება." - თქვა მან.


მილიარდერმა დასძინა, რომ ევროკავშირს უნდა ესმოდეს, რომ პუტინს შეუძლია გამორთოს რუსული ბუნებრივი აირი, რომელიც ამჟამად ევროპის მოთხოვნილების დაახლოებით 40%-ს შეადგენს, ეს ძალიან მტკივნეულია.


"შედეგს ვერ ვიწინასწარმეტყველებ, მაგრამ უკრაინას ნამდვილად აქვს გამარჯვების შანსი."- თქვა სოროსმა.

0
117
შეფასება არ არის
ავტორი:თამილა გურაშვილი
თამილა გურაშვილი
Mediator image
117
  
კომენტარები არ არის, დაწერეთ პირველი კომენტარი
0 1 0